අමුතුවෙන් රඟපාන්න දෙයක් තිබුණේ නැහැ…
කොහොමත් මම දඟකාර චරිතයක්…
මේ දවස්වල ටෙලිනාට්යවලට වසන්ත කාලය උදාවෙලා. මේ උදාවුණු වසන්ත කාලයත් එක්ක පිපෙන මල් හරිම සුන්දරයි. මේ කියන්න යන්නේ එලෙස පිපුණු සුන්දර මලක් ගැන. මේ දිනවල විකාශය වන ‘මල් පිපෙන කාලේ’ ටෙලිනාට්යය තුළින් ඔබ හමුවුණු ‘පූජා’ චරිතය නිරූපණය කරන මෙනුරි පෙරේරා තමයි මේ පිපුණු මල් අතර තවත් මලක් වෙලා තියෙන්නේ. ඇගේ සුන්දරත්වය ගැන ඔබට කියන්නටයි මේ සූදානම…
මෙනුරි ඉතින් කොහොමද..?
හොඳින් ඉන්නවා…
දැන් ඔබව ප්රේක්ෂකයන් ගොඩදෙනෙක් දැනහඳුනන්නේ ‘පූජා’ ලෙසට. ඒ ගැන කියමුකෝ බලන්න?
මෙනුරි පෙරේරා කියන මාව රටක්ම දැනහඳුන ගත්තේ ‘මල් පිපෙන කාලේ’ ටෙලිනාට්යයේ මම නිරූපණය කරන ‘පූජා’ චරිතය නිසයි. ඇත්තටම මම හිතුවාටත් වඩා ‘පූජා’ට වගේම මටත් ආදරය කරන්න පටන් ගත්තා. මගේ රඟපෑම හොඳයි කියලා හැමෝම කියනවා.
‘පූජා‘ වගේම ඔබත් දඟකාරද?
ඇත්තටම ‘පූජා’ තුළ මට අමුතුවෙන් රඟපාන්න දෙයක් තිබුණේ නැහැ. හරිම පහසුවෙන්, සරලව මම රඟපෑවා. ‘පූජා’ වගේම තමයි මමත් දඟකාර, සරල ජීවිතයක් ගෙවන කෙනෙක්.
මෙයට කලින් මෙනුරිට ටෙලිනාට්යවල රඟපෑමට අවස්ථාව ලැබුණද?
ඔව්… මම ‘පිපෙන මල්’ ටෙලිනාට්යයට කලින් රඟපෑවා. තුෂාර තෙන්නකෝන් අයියාගේ ‘රාවණ සීසන් – 3’ ටෙලිනාට්යයේ. නමුත් එයට කලින් ‘මල් පිපෙන කාලේ’ ටෙලිනාට්ය විකාශය වුණා. මේ ටෙලිනාට්ය දෙකම තුෂාර අයියා තමයි අධ්යක්ෂණය කරන්නේ. ඉතින් ඔහු සමග මම මෙයට කලින් වැඩ කළ නිසා ගොඩාක් පහසු වුණා රඟපෑමේ කටයුතු කරගෙන යන්න.
ඔබේ පෙම්වතානේද ඔබව රංගන ශිල්පිනියක් කිරීමට උත්සාහ කළේ?
මගේ පෙම්වතා තමයි නරේන්ද්ර හේරත්. ඔහු නැත්නම් මට මේ අවස්ථාව නැතිවෙන්න පුළුවන්. ඔහුත් ටෙලිනාට්ය කිහිපයකම රඟපානවා. මේ ටෙලිනාට්යයේ ‘චමික’ගේ චරිතය රඟපාන්නේ ඔහු.
අද කාලේ පෙම්වතුන් කැමැති නැහැ පෙම්වතිය රඟපානවට. ඒත් නරේන්ද්ර, මෙනු රඟපෑමට යොමුකිරීමට විශේෂ හේතුව?
ඇත්තටම මේ ක්ෂේත්රයට තම පෙම්වතිය යොමුවෙනවාට ගොඩාක් පෙම්වතුන් කැමැති නැහැ. එහෙම අකැමැති වෙන්නේ ඇයි කියන්න මම දන්නේ නැහැ. නමුත් ඔහු මගේ දක්ෂතාවය දැනහඳුනාගෙන මට ඉදිරියට එන්න ගොඩාක් උදවු කරන එක මට ගොඩාක් සතුටුයි.
ඔහු සමගත් රඟපාන්න නාට්යයේ අවස්ථාව ලැබුණද?
තවම එහෙම අවස්ථාවක් ලැබුණේ නැහැ. ඉදිරියේදී අවස්ථාවක් ලැබුණොත් ගොඩාක් සතුටුයි. හැබැයි ඉතින් එතකොට මෙයට වඩා ලස්සනට අපි දෙන්නා රඟපායි.
මෙනුරි දක්ෂ නර්තන ශිල්පිනියක්. දැන් නර්තනයෙන් ඉවත් වෙනවාද?
අපෝ කවදාවත්ම නැහැ. අපේ පවුලේ අයවත්, මගේ පෙම්වතාවත් කැමැති නැහැ මම නර්තනයෙන් ඉවත් වෙනවාට. රංගනය මට වෙනස් අත්දැකීමක්. ඒ අත්දැකීම විඳිමින් මගේ දක්ෂතාවයෙන් ඉදිරියට යනවා. හැබැයි තාවකාලිකව නර්තනයෙන් සමුගන්නවා.
ඔබ විදේශීය රටවල ප්රසංග වේදිකාව හැඩවැඩ කළා. ඒ අත්දැකීම කොයි වගේද?
ඉන්දියාව, මැලේසියාව, සිංගප්පූරුව, මොස්කම් වැනි රටවල ප්රසංග සඳහා මම සම්බන්ධ වුණා. විවිධ අත්දැකීම් ලැබුණා. දැන්නම් මට ඒ දේවල් මතක නැහැ. ඒ තරමට සුන්දර මතක සටහන් ගොඩාක් තියෙන නිසා.
ඔබ දෙදෙනාගේ ඒ සුන්දර ආදර කතාව ගොඩනැඟුණු හැටි දැනගන්න කැමැතියි?
චන්දන වික්රමසිංහ සර් ළඟ ඩාන්සින් ඉගෙන ගන්න කාලයේ තමයි මට ඔහුව මුලින්ම හමුවුණේ. ඒත් ආයතනයක් තුළ එහෙම සම්බන්ධකම් තියාගන්න බැහැනේ තිබෙන විනයත් එක්ක. එයින් ඉවත් වුණාට පස්සේ තමයි අපි ආදරය කරන්න පටන් ගත්තේ.
නරේන්ද්රගේ ඔබ දැකපු විශේෂත්වය..?
ඔහු කාටවත් ඊර්ෂ්යා කරන කෙනෙක් නෙවේ. හැමෝටම ඔහු ගැන නොතකා උදවු කරන ගති ලක්ෂණ ඔහුට තිබෙනවා. ඒ වගේම අවංක, නිහතමානී චරිතයක්. හැබැයි ඉතින් සමහර අවස්ථාවල උදවු කරන්න ගිහින් පසුතැවෙන්නත් ඔහුට සිද්ධවුණු අවස්ථා තියෙනවා.
-වසන්ත විතාරණගේ
