කන්ගනා රනවුත් ගැන කතාකරන කොට ඉන්ට්රෝ ලියන්න අවැසි වෙන්නේ නැහැ. ඒ තරමට ඈ මුළු ඉන්දියානු සිනමාව පුරාම ෆේමස් කැරැක්ටර් එකක්. බොලිවුඩය කොලිවුඩය වගේම මලයාලම් ෆිල්ම්වලත් රඟන ප්රතිභාපූර්ණ නිළියක් වුණු කන්ගනා ඉන්දියානු ජාතික සම්මානයෙන්ද පිදුම් ලැබුවා. (Sri Lanka Latest News)
මේ හැම දේම අතර එකම එක පරහකට තියෙන්නේ කන්ගනා යන යන තැන බාල්දි පෙරළන එකයි. කෙටියෙන් කියනවා නම් කන්ගනා කාගේ හෝ ඇඟේ පැටලෙන්න බලාන ඉන්න බාල්දි කොක්කක්. හින්දි සිනමාවේ ප්රවීණයන් සමග පවා ඈ නිතර ආරවුල් ඇතිකර ගත්තේ ඵලක් නැති දේටයි. විශේෂයෙන්ම බොලිවුඩයේ තරු දරුවො එක්ක මෙයාට තියෙන්නේ වෙනම උණක්. සිනමාවෙන් සමුගෙන සිටින ප්රවීණයන්ගේ දූ පුතුන් බොලිවුඩ් සිනමාවට එනවට සහ කවුරුත් වාගේ ඔවුන්ට සලකනවා දකින්න රෙස්පෙක්ට් කරනවා දකින්න මේ සුපිරි බාල්දි කොක්ක කැමැතිම නැහැ.
හැබැයි පුදුමය කියන්නේ මෙයා ෂාරුක් ඛාන් එක්ක සිනමා නිර්මාණයකට පිවිසුණු ආර්යන් ඛාන්ට පසුගිය දවසක ප්රසිද්ධ මාධ්ය හරහා ලොකු ක්රෙඩිට් එකක් දීලා තිබුණා. හැමෝම ඒ ගැන මවිත වෙලා හිටියා. එලෙසම ආර්යන් වාගේ තරුණ හාදයෙක් තාත්තා එක්කම සිනමාවට එන්න සූදානම් වන එක ගැන. ඇය ලොකු වර්ණනාවක් කරලා තිබුණා. විශේෂ සුබ පැතුමක්ද හද පතුලින්ම ඉතා ළෙන්ගතුව පළකර තිබුණා.
‘මොකටද මෙයා එන්න හදන්නේ මේ…?’
කන්ගනාගේ නයි මිරිස් ස්වභාවය ගැන දන්න හැමෝම කන්ගනා තරු දරුවෙකට ආවඩන එක ගැන අන්දුන් කුන්දුන්ව බලන්න ගත්තා. කාටත් මේක අදහන්න බැරි තරම්. මොකද මෙයා ආර්යන්ගේ ඩග්ස් කේස් එකකටත් එස්.කේ.ආර්.ට කුඩු වෙන්නම ගහපු කෙනෙක්නෙ ඉතින්. කොයික වෙතත් කන්ගනා පනින්න හදන මේ අලුත් පිම්ම තවම කාටවත් මීටර් නැහැ.
‘හැමෝම බොරුවට උඩ පනින්න අරගෙන. හැබැයි කලබල වෙන්න කාරි නැහැ. ආර්යන් ඛාන් කියන්නේ බොරු සෝබන නැති රිලැක්ස් කොල්ලෙක්. තාත්තගේ ගැම්ම ඉහට අරන් පූස්පාට් දාන්නේ නැති කැරැක්ටර් එකක්. ඒ හින්දයි මම ඒ හාදයගේ සිනමා ගමනට සුබ පැතුවේ. අනිත් අය විලම්බීත නොකර පාඩුවේ වැඩක් බලාගන්න…’
හැමෝම වාගේ තමා ගැන මේ සංගදියෙදි තක්කු මුක්කු වෙලා ඉන්න හින්දමද කොහෙද කන්ගනා එහෙම සටහනක් තම ඉන්ස්ටර්ග්රෑමය හරහා මුදාහැර තිබුණා.
දමයන්ති රේණුකා ප්රනාන්දු
