රඟපාද්දි මට ගොඩාක් දුක හිතුණා…
මට ගොඩක් උදව් කරනවා ඉස්කෝලෙන්…
කාලයක සිට අපි විවිධ නිර්මාණ හරහා පුංචි දරුවන්ගේ හැකියාවන් දැක්කා. නමුත් ඒ සියල්ලම අභිබවා යන විදියේ සුවිශේෂී හැකියාවක් මේ දවස්වල අපි දකිනවා. ඇයගේ හුරතල් හඬට විතරක් නෙවේ ඇය ඉදිරිපත් කරන නර්තනයේ සුන්දරත්වය මෙලෙසයි කියා අපට ලියන්නට බැහැ. මේ සුන්දර ළමා තාරකාවිය තෙනුජි විනාරායි. ඉතින් මුළු රටම ආදරය කරන මේ පොඞ්ඩිගේ වටිනාකම ඔබට වගේම අපටත් දැනුණා. ඒ හින්දම ‘මව්රට’ අපි මේ පුංචි දියණිය ගැන කතා කරන්න හිතුවා.
තෙනුජි දුවට ළමා තාරකාවියක් වීමට අවස්ථාව ලැබුණේ කොහොමද?
මම ‘දෙරණ ලිට්ල් ස්ටාර්’ රියැලිටි වැඩසටහනේ අවසන් පස්දෙනා අතරට තේරුණා. ඊට පස්සේ මට ටෙලිනාට්යවලින් ආරාධනා ආවා. ඒත් මම සම්බන්ධ වුණේ නැහැ.
ඇයි ඉතින් දුව ටෙලිනාට්ය ප්රතික්ෂේප කළේ?
මම කැමැති නැහැ මෙගා ටෙලිනාට්යවල රඟපාන්න. මොකද එක දිගට වැඩ කරන්න යන්න වෙන නිසා. මම හිතාගෙන හිටියේ මගේ නර්තන හැකියාවෙන් අවස්ථාවක් ලැබුණොත් සම්බන්ධ වෙන්න.
පුංචි තිරයේ අපි දකින ‘පොඞ්ඩි’ට දැන් ගොඩදෙනෙක් ආදරය කරනවා, දුවට කොහොමද මේ අවස්ථාව ලැබුණේ?
‘පානාමංකඩ’ ටෙලිනාට්යයට නර්තන හැකියාවන් තිබෙන අයව තෝරාගන්නවා කියලා දැන්වීමක් තිබුණා. ඉතින් මම අම්මා සමග සම්මුඛ පරීක්ෂණයට ගියා. ඒ අවස්ථාවේදී රනිල් අංකල්, ගයන් මාමා, සමන්ත අංකල් තමයි තෝරා ගැනීම් කමිටුවේ හිටියේ. මටත් දුන්නා නාට්යයේ ජවනිකා රඟපාන්න. ඒ විතරක් නෙවෙයි මට නටන්න පවා කිව්වා.
ඉතින් ඊට පස්සේ..?
රනිල් අංකල් කිව්වා මගේ වයස මදි කියලා. ඉතින් අපි ගෙදරට ඇවිල්ලා දින කිහිපයක් ගියාට පස්සේ මාව ‘පානාමංකඩ’ ටෙලිනාට්යයේ ‘පොඞ්ඩි’ගේ චරිතයට තෝරාගෙන තියෙනවා කියලා කිව්වා. එදා මට පුදුම සතුටක් දැනුණේ.
තෙනුරි දුවට ඉස්සෙල්ලාම රඟපාන්න ලැබුණේ කා සමගද?
මේනකා ඇන්ටි සමග තමයි මම කැමරාව ඉදිරිපිට ඉස්සෙල්ලාම රඟපෑවේ.
‘පානාමංකඩ’ ටෙලිනාට්ය නිසාම දුවට ආරාධනා ලැබුණු තවත් නිර්මාණ ප්රතික්ෂේප කළා කියලා ආරංචියි?
ඔව්… මට ගොඩාක් හොඳ නිර්මාණවලින් ආරාධනා ආවා. ඒත් මම සම්බන්ධ වුණේ නැහැ ‘පානාමංකඩ’ කතාවට මම ගොඩාක් ආශා කරපු නිසා. ටෙලිනාට්ය විකාශය වෙනකම් අම්මයි, තාත්තයි මාව වෙන නිර්මාණවලට සම්බන්ධ කළේ නැහැ.
තෙනුරි දුවට ‘පොඞ්ඩි’ චරිතය දැනුණේ කොහොමද?
‘පොඞ්ඩි’ වගේ මම දුක් විඳපු කෙනෙක් නෙවේ. හැබැයි ‘පොඞ්ඩි’ චරිතයේ සමහර අවස්ථාවලදී මම ගොඩාක් දුක්වුණා. ඒ තරමට මම ‘පොඞ්ඩි’ට බැඳිලා හිටියේ. ඒ නිසාම මට රඟපාන්න ගොඩාක් පහසු වුණා.
දුවට පාසලෙන් මොනවගේ සහායක්ද ලැබෙන්නේ?
මගේ හැකියාව දැකලා මට ගොඩාක් උදවු කරනවා මගේ පාසලෙන්. ඇහැටුවැව ආදර්ශ විදුහලට තමයි මම මුලින්ම ගියේ. දැන් යක්කල අනුරාධ ආදර්ශ කනිෂ්ඨ විiාලයේ තමයි ඉගෙන ගන්නේ. මේ පාර ශිෂ්යත්ව විභාගයට පෙනී සිටිනවා.
දුව මේ තරම් ලස්සනට නටන්න ඉගෙන ගත්තේ කොහොමද?
මම මුලින්ම ප්රනිත් මුදලිගේ සර් යටතේ තමයි උඩරට – පහතරට – සබරගමු නැටුම් සියල්ලම ඉගෙන ගත්තේ. රජිත කොතලාවල සර් ළඟටත් යනවා දැන්. මම හිපොප් ඉගෙන ගන්නේ බාස්කර් ප්රකාශ් ගුරුපියාණන් යටතේයි.
පුංචි දුවගේ හිතේ බලාපොරොත්තු මොනවද?
මට ඉගෙනගන්න තියෙන්නේ මොනවාද මම ඒ හැමදේම ඉගෙනගෙන රටට සේවය කරන්න තමයි බලාපොරොත්තුව. ඒ අතරතුර රඟපෑම් කටයුතුවලින් ඉදිරියට යන්න බලාපොරොත්තුවත් තියෙනවා.
දුවට මේ ගමන එන්න උදව් කරපු පිරිසකුත් ඇති නේද මතක් කරන්න?
ගොඩදෙනෙක් ඉන්නවා මාමේ. විශේෂයෙන්ම ටෙලිනාට්යයේ අධ්යක්ෂ රනිල් කුලසිංහ මාමා ඇතුළු ‘පානාමංකඩ’ සියලුම දෙනාට මම ස්තුතිය පුදකරනවා. ඒ වගේම මගේ අම්මයි, තාත්තයි මගේ හැකියාවන් තේරුම්ගෙන මට හරි මාවතකට යන්න දෙන ශක්තිය වටිනවා.
-වසන්ත විතාරණගේ
