කලා ක්ෂේත්රයට සම්බන්ධ වෙන ශිල්පිනියන් අතර නමක් දිනාගනිමින් කලා ක්ෂේත්රයේ රැඳෙන්නේ කීයෙන් කී දෙනාද? ඉතින් අද මම ඔබට හඳුන්වා දෙන්නේ ඒ විදියට නිහතමානීව සුන්දර ගමනක් යන ජනප්රිය රංගන ශිල්පිනියක් වන නිර්මලා නිශාන්ති. නිර්මලාගේ කාලෙක ඉඳලා තිබුණු හීනයක් හැබෑවෙලා. ඒ ගැන අපි ඇයගෙන්ම දැනගමු.Sri Lanka Latest News
නිර්මලා දැන් ජනප්රිය නිළියක් කියලා මම කිව්වොත්?
ඇත්තටම මම ඔය නිළිය කියන වචනයට කැමැති නැහැ. මම ගොඩක් කැමැති මාව රංගන ශිල්පිනියක් විදියහට හඳුන්වනවට තමයි.
මේ දවස්වල නිර්මලා ‘මං ආදරෙයි’ ටෙලි නිර්මාණයේ දකිනවා?
හර්ෂ උඩකන්ද අධ්යක්ෂණය කරන ‘මං ආදරෙයි’ ටෙලිනාට්යයේ බෝඩිමේ ඇන්ටි කෙනෙක් විදියට තමයි මම රඟපාන්නේ. හරිම ආශාවෙන් කරන චරිතයක්. චරිතයට තියෙන ආශාව නිසාම ප්රේක්ෂක ප්රතිචාරත් ඉතා සුබදායකව විඳිනවා.
මේ තරම් ඒ චරිතයට කැමැති වෙන්න විශේෂ හේතුවක් තියෙනවද?
මම ගොඩක් කැමැති මගෙ පෙනුමට වඩා වයසින් වැඩි චරිත රඟපාන්න. මොකද රංගන ශිල්පිනියක් වශයෙන් මම එහෙම චරිත බලාපොරොත්තු වෙනකොට මට වුණත් රංගනය පිළිබඳ චරිත වෙනස්වීමත් එක්ක අවබෝධයක් ඇතිව චරිතයක් තුළ ජීවත් වෙන්න ලොකු පහසුවක් දැනෙනවා. මගෙ පෙනුමට සමාන චරිත රඟපාන කොට ඒ මම වගේ මම දකින්නේ.
මේ දවස්වල තවත් සුවිශේෂ චරිතයක් සඳහා සූදානම් වෙනවා නේද?
ඇත්තටම කාලෙක ඉඳලා මගේ හිතේ බලාපොරොත්තු වුණු චරිතයක් මට කරන්න ආරාධනාවක් ලැබුණා. අරුණ අබේරත්නගේ ‘මානාවාරි’ ටෙලිනාට්යයේ මැණිකේ කෙනෙක් විදියට තමයි මම රඟපාන්නේ. මගෙ සැමියා ලෙස රඟපාන්නේ සරත් කොතලාවල.
මානාවාරි සමග ගෙවන මේ කාල වකවානුවේ ලබපු අත්දැකීම් මොනවද?
තන්තිරිමලේ තමයි රූගත කිරීම් සිදුවන්නේ. එහෙම ගියාට පස්සේ මානුෂික හැඟීම් දැනුණා. ඒ විතරක් නෙවෙයි වටේටම කැලෑව. අලි ඉන්නවා. අපි ගිය වාහනේ ලිස්සලා පෙරළෙන්න ගියා. ඒ වෙලාවෙ නම් ලොකු බයක් දැනුණා. ලස්සන වැඩක් කරන නිසා හිත හයිය කරගෙන වෙන ඕනෙම දේකට මුහුණ දෙනවා කියලා හිත හදාගෙන හිටියේ.
වැඩකට ගියාම සරල ගැහැනියක් විදියට ඔබ ඉන්නවා කියලා ආරංචියි?
මම ඉන්න තැන අදාළ නැහැ වැඩකට ගියාම. මම සරලව ජීවත් වෙන කෙනෙක්. මම හැමෝම එක්ක සුහදව කතාබහ කරලා ඉන්න කෙනෙක්. නිකම් බොරුවට මවාපෑම් දාගෙන වැඩකට ගියාම අමුතු රඟපෑම් මං ළඟ නැහැ. එහෙම ඉන්න ගියාම අපිට වුණත් අපහසුයි. මම ගමේ හැදුණු කෙනෙක්. තැනකට ගියාම ඉන්න ඕනෙ විදිය මම දන්නවා.
සමහර අවස්ථාවල අපි අහලා තියෙනවා සෙට් එකේ විවිධ ගැටලු මතුවෙනවා කියලා?
සමහර අවස්ථාවල එහෙම ගැටලු ඇතිවෙන අවස්ථාත් ඇති. එහෙම වෙන්නේ එන අයගේ අධ්යාපන මට්ටම අඩු වුණාම ආශ්රය කරන්න අමාරුයි. අධ්යාපනය හරි බුද්ධි මට්ටම හරි අඩු වුණාම තමයි ඔය වගේ ගැටලු ඇතිවෙන්නේ. අලුත් පිරිස වුණත් ප්රවීණ අයට කිසිම ගරු කිරීමක් නැහැ. අපි තුන් හතර පාරක් පිටපත, චරිතය සිදුවීම අවබෝධ කරගෙන වැඩකරන්න ගියාම අලුත් පිරිසගෙන් කිසිම සහායක් නැහැ. මොන දේ කරන්න ගියත් කරන වැඩේ ගැන හොඳ අවබෝධයක් ඇතිව එකමුතුව සහායෙන් වැඩ කරනකොට ඔය කිසිම ගැටලුවක් නැහැ කියලයි මම හිතන්නේ.
වසන්ත විතාරණගේ
