ටෙලි තරු අතර හරිම ඉක්මනට ‘හිට්’ වුණු චතුරංග කොඩිතුවක්කු ගැන රසවත් වංහුං ටිකක් කියන්නයි මේ සූදානම.
පසුගිය සතියේ අවසන් වෙච්ච ‘රොන්’ ටෙලියෙ වාගෙම දැනට ටෙලිකාස්ට් වෙන ටෙලි කිහිපයකම රඟපාන චතුරංග මේ දවස්වල කතාබහට ලක්වන තවත් ජනප්රිය ටෙලි නාට්යයක් වන්නේ ‘දෑස මත මොහොතක්’ කතන්දරයයි. (Sri Lanka Latest News)
චතුරංග රංගනයට ආවේ තරු දරුවෙක් විදියට නෙවෙයි. තරු දරුවෙක් කියන්නේ කලාවට සමීප පවුල් පසුබිමක් තුළින් කලා ලෝකයට එන දූපුතුන්ටයි. චතුරංග ඒ ගැන ඇත්තටම ආඩම්බර වෙනවලු. කලාකාමී පවුලක තල්ලුවක් නැතුව තනියම පැමිණි ගමන හිතුවට වැඩිය සාර්ථක තැනක තියෙන එක ගැනත් ඔහු නිහතමානීව සතුටු වෙනවලු.
ඉගෙනීමේ කටයුතුවලටයි මේසේ උඩ ගොඩගහ ගත්ත පොත් එක්ක පාඩම් කරන එකයි ඔහුගේ ජීවිතේ එපාම කරපු දෙයක්ලු. මැත්ස්වලට දක්ෂතාවක් තිබුණත් අධ්යාපනය කියන විෂයට ඉක්මනින්ම සමුදුන්නෙත් ඒකලු. නළුවෙක් වෙන්න මොඩ්ලින් ෆීල්ඩ් එකේ නමක් හදාගන්න හීනෙක හිටපු මේ තරුණ නළුවා ඒ හීනේ ඉටු නොවුණා නම් ජනප්රිය ක්රිකට් තරුවක් වෙන්නත් ඒ අතර හීන දැක්කලු. ගැටවර වයසෙදී හැමෝම වාගේ ඔහුට කිව්වේ ඔයා නම් සල්මන් ඛාන් වගේමයි කියලලු.
කලහකාරී තරුණ වයසෙදී හීන ගොඩක හිටිය ඔහුගේ හිතේ කොනක ෆොටෝග්රැෆර් කෙනෙකුත් හිටියා කියලයි කියන්නේ.
ඒ වාගෙම එයා ෆොටෝග්රැෆර් කෙනෙක් වුණා. මොඩ්ලිනුත් කළා. ඇඩ්වර්ටීස්මන්ට්වලටත් ආරාධනා ලැබුණා. ඒ අතර ‘හදවතේ කතාවක්’ ටෙලියෙ මේන් රෝල් එකත් ලැබුණා. බලාගෙන යනකොට චතුරංග හරිම ලකී. ක්රිකටර් කෙනෙක් වෙන හීනේ අතහැරුණට අනෙක් හැම ඉසව්වක්ම ඔහු ජයගත්තා.
හැබැයි ‘උන්මාදිනී’ එකේ විලන්ට රඟපානකොට මෙයා ටිකක් ගැස්සුණාලු. රසිකයන්ට එයාව එපාවෙයි කියලා.
මොන පිස්සුද? ඒ විලන්ගේ කැරැක්ටර් එකෙන් පස්සේ චතුරංගට හිතුවට වඩා ටෙලි ඩ්රාමාවලට කතාකරන්න ගත්තලු.
ඔහුගේ ඊළඟ හීනේ මතක හිටින චරිතයක් දෙකක් කරලා කාගෙත් කතාබහට ලක්වෙන හොඳ නළුවෙක් වෙන එකලු. ටෙලි ගොඩක රඟපාලා ජනප්රිය නළුවෙක් වෙනවට වඩා චතුරංග ඒකට කැමැතියි.
ලොකු සීන් නැති මේ සරල හාදයට අපිත් සුබ පතමු. ඔහුගේ ඒ හීනෙත් හැබෑ වෙන්න කියලා.
දමයන්ති රේණුකා ප්රනාන්දු
