කලක් ලංකාවේ ප්රසිද්ධ සංගීත කණ්ඩායමක ගිටාර් වාදන ශිල්පියෙක් ලෙස සිය දක්ෂතා පෙන්වූ ඔහු ඉන් මිදී තමන්ගේම සංගීත කණ්ඩායමක් නිර්මාණය කරගන්නේ වෙනස් ගමනක් යෑමේ අරමුණින්. මේ වන විට කණ්ඩායම් සංගීත ක්ෂේත්රයේ සුවිශේෂී අනන්යතාවක් හිමිකරගෙන සිටින ‘ඕරා’ සංගීත කණ්ඩායමේ නියමු රන්ශ්රී ජයවර්ධන නොහොත් ‘රණා’ ‘ඕරා’ සමඟ යන ගමන පිළිබඳව අප සමඟ අදහස් දැක්වූයේ මේ අයුරින්.
කොහොමද ‘ඕරා’ බෑන්ඞ් එක හැදෙන්නෙ?
අපි බිග් බ්රදර්ස් කියන බෑන්ඞ් එක හැදුවට පස්සෙ මට හිතෙනව එකොස්ටික් පැත්තට ගියොත් හොඳයි කියල. මට මගේම කියල සද්දයක් හදාගන්න ඕනාවට, මගේ හිතේ තියෙන ආසාව ඉෂ්ට කරගන්න ඕනෙ කියල හිතල තමයි මේ බෑන්ඞ් එක හදන්නෙ.
කොයි කාලෙද බෑන්ඞ් එක හැදෙන්නෙ?
2013 නොවැම්බර් තමයි බෑන්ඞ් එක හදන්නෙ.
බෑන්ඞ් එකේ සාමාජිකයො කවුද?
මම බෑන්ඞ් එකක් හදනව කියල ආරංචි වෙලා එක එක යාළුවො කරපු යෝජනා අනුව ගත්ත අය තමයි බෑන්ඞ් එකට සම්බන්ධ වුණේ. බෑන්ඞ් එක පටන්ගන්නකොට හිටපු කට්ටිය නෙමෙයි දැන් ඉන්නෙ. එක එක ප්රශ්න මත කට්ටිය වෙනස් වුණා. දැන් බෑන්ඞ් එකේ ඉන්න අයගෙන් ලීඞ් ගිටාර් වාදනය කරන්නෙ ප්රශාන්. ඔක්ටපෑඞ් වාදනය කරන්නෙ බේබි. ඩ්රම්ස් රංග, බේස් ටි්රෂෝන්, කීබෝඞ් චතුරංග. ගායනයෙන් සම්බන්ධ වෙන්නෙ රුචික සහ අංජු.
ඇයි ඉලෙක්ටි්රක් පැත්තෙන් අයින් වෙලා එකොස්ටික් පැත්තට යන්න හිතුනෙ?
එකොස්ටික් පැත්තට තමයි දැන් ලෝකෙ තියෙන රැල්ල හැදිල තියෙන්නෙ. ඒ සවුන්ඞ් අහන්න තමයි මිනිස්සු කැමැති. මම හරි වෙලාවෙදි ඒ පැත්තට යොමුවුණා. දැන් අපිට ලැබෙන ප්රතිචාරවලිනුත් අපිට තේරෙනව අපි ගත්ත තීරණය හරි කියල. දැන් අපිට පේනව කලින් ඉලෙක්ටි්රක් වාදනය කරපු බෑන්ඩුත් එකොස්ටික් පැත්තට එන්න උත්සාහ කරනව.
බෑන්ඞ් එකේ නම කොහොමද හැදෙන්නෙ?
බෑන්ඞ් එකේ කලින් හිටපු කළමනාකරු සනත් ජයසුන්දර බිරිද තමයි බෑන්ඞ් එකට නම දාන්නෙ. එයා සිංහල ගුරුවරියක් හොඳ තේරුමක් තියෙන නමක් බලල තමයි බෑන්ඞ් එකට දැම්මෙ.
ලංකාවෙ ජනප්රියම බෑන්ඞ් එකක සාමාජිකයෙක් විදිහට වැඩ කරල තමන්ගෙම බෑන්ඞ් එකක් හදාගත්ත එක කොහොමද දැනෙන්නෙ?
මම සීයට දහස් වාරයක් සන්තෝෂ වෙනව ඒ ගත්ත තීරණය ගැන. ඒක ගැන මම සෑහෙන්න තෘප්තිමත්. අපිට ලැබෙන ප්රතිචාරවලිනුත් අපිට ඒක තේරෙනව.
කවර් සින්දු කරන්න හිතුනෙ ඇයි?
අපේ බෑන්ඞ් එකේ සින්දු මේ වෙනකොට 15ක් විතර මේ වෙනකොට පටිගත කරල තියෙනව. නමුත් මේ කාලෙ හැටියට මිනිස්සුන්ට අලුතෙන්ම දෙයක් දෙනව වෙනුවට දන්න සින්දුවක් වෙනස් විදිහකට දෙන්න ඕනෙ කියන අදහසින් තමයි අපි ඒක කළේ. අපි මුකුත් නොකරන ඉන්නව කියන්නෙ අපි අපේ රසිකයන්ට කරන අසාධාරණයක්. ඒ හින්ද තමයි එහෙම කවර් එකක් කළේ. ඒක යූටියුබ් ඔස්සේ බලල තියෙන ප්රමාණයෙන් තේරෙනව ඒ වෙනසට මිනිස්සු කැමතියි කියල. ඒ රසයට දැන් වෙනම ඕඩියන්ස් එකකුත් හැදිල තියෙනව. මට දැන් එන ඉල්ලීම් අනුව තව කීපයක් එහෙම කරන්න තමයි බලාපොරොත්තු වෙන්නෙ.
ඉන්දික වික්රමරත්න
