ඇමැති එක්ක පැටලුනු බච්චන් මිනිබිරිය

උතුරු ඉන්දියානු සිනමාව තුළ පියකරු ප්‍රතිරූපයක් සතු බච්චන් පවුල කවදත් පුවත් මවන්නට හරි රුසියෝය.
එලෙසම ඒ පුවත් බොහොමයකම වූයේද මඩ හෝ කළු පැල්ලම්වලින් තොර වූ තොරතුරුය. එය විටෙක සංවේදීය. තවත් විටෙක හරි මිහිරිය.
ඒ වාගේම බච්චන්ලා ගැන ගොසිප් අසන්නටද ඔවුනට ප්‍රිය කරන රසිකයන්ට ඇත්තේ පුදුම උණකි. එදාවේල කන්නට නැති සමහර ඉන්දියානුවෝ බච්චන් පවුල සුපිරි පන්නයේ නිවාඩු නිකේතනයකට ගිහින් සැප ගන්නා ආකාරය ගැන සෙල්ෆි බලමින් තම හිත් සනහා ගනිති.
අද මේ කියන්නට යන්නේද බච්චන්ලා ගැන තොරතුරකි.
එය ටිකක් අමුතුය. දේශපාලන මුහුණුවරක් ගත් එහි තරුණ යුවතියකගේ එඩිතර ස්වභාවයද මනාව පිළිබිඹු කොට ඇත. පුවතට මුල්ව ඇත්තේ අමිතාබ් බච්චන් මිනිබිරියගේ සහ ඉන්දීය ෆැෂන් කෙලි කොල්ලන්ගේ ප්‍රියතම මෝස්තරයක් වූ ඉරුණු ඩෙනිමය.
ආරාධ්‍යා බච්චන් තවම පුංචි දැරිවියක්. මොනවද මේ කතා.
අමිතාබ්ට මිනිබිරියන් දෙන්නෙක් සිටිති. ආරාධ්‍යා ඇරුණුකොට අමිතාබ්ගේ එකම දුවණිය වූ ස්වේතා බච්චන්ටද අපූරු දුවක් වේ. රාජ් කපූර්ටද ඈතට වාගේ නෑකම් කියන ඈ ‘නව්‍යා නවේලි නන්දාය’. නවේලි උගත්, බුද්ධිමත් හැඩකාර කෙල්ලකි.
ඉතින් මොනවද දැන් නව්‍යා පත්තු කර තිබෙන අලුත්ම ගොසිප් එක.
ගොසිප් එක අවුලවාලීමට ගිනි තබා ඇත්තේ උත්තර් ප්‍රදේශයේ මහ ඇමැති ටිරක් සිං රාවත්ය. අවුරුදු 25 යම්තමට සම්පූර්ණ වූ නව්‍යා නවේලි ගැටී ඇත්තේ දේශපාලන බලවතකු සමගය.
හේතුව මොකක්ද? ඉරුණු ඩෙනිමක කතාව එයට සම්බන්ධ වූයේ කොහොමද?
කතාව මෙහෙමය.
නව්‍යා නවේලි නන්දා තමා අවසන් වසර සඳහා අධ්‍යාපනය ලබන භැඅ හදරන .ත්‍දරා්යප ඹබසඩැරජසඑහ. එකේ මිතුරියන් සමඟ එක්ව තම නවතම පින්තූර නිකුතුව එළිදක්වා ඇත. ඉන්ස්ටග්‍රෑම් ගිණුම හරහා පෙළින් පෙළට පලවූ එම පින්තූර සමූහයෙහි නව්‍යා සමඟ ඉන්දීය කෙල්ලන් සේම යුරෝපීන් කෙල්ලන්ද පෙනී සිටියේ තැනින් තැන ඉරා දැමූ ඩෙනිම් ඇඳගෙනය.
අයිෂ්වර්යා, අභිෂේක් සමඟ ඡයා බච්චන් ඇතුළු නව්‍යාගේ ලක්ෂ සංඛ්‍යාත අනුගාමිකයන් එම පින්තූරවලට සොඳුරු කමෙන්ටු එක්කර තිබුණු අතර, එහි ප්‍රධානම අදහස වී තිබුණේ,
‘නව්‍යා ඔබ කෙතරම් අපූරු කෙල්ලක්ද’ යන්නය.
සියල්ල එසේ සිදුවන විට උත්තර් ප්‍රදේශයේ මහ ඇමැති ප්‍රසිද්ධ මාධ්‍ය සාකච්ඡාවකදී කියා තිබුණේ තරුණ ඉන්දීය කතුන් ඉරුණු ඩෙනිම් ඇඳ උජාරුවට සෙල්ෆි ගැනීම ඉතා අශෝභන ක්‍රියාවක් බවය. ඒ අතරම මාපියන් සහ වැඩිහිටියන් එය අගය කරමින් කරන විකාර කියමන්ද ඉන්දියානු සදාචාරයට පටහැනිය කියාද පැවැසූ ‘රාවට්’ ඒ සඳහා වක්‍රව ඉදිරිපත් කර තිබුණේ නව්‍යාගේ නවතම සේයාරූ එකතුවය.
නව්‍යාට නහුතෙට තදවුණාද?
ආයෙත් අහලා. නව්‍යා නවේලි කියන්නේ ඉන්දියානු සමාජයේ කුස්සිය මුල්ලට ගිය කෙල්ලක් කියල හිතනවද?
‘නව්‍යා’ සමාජමය අවබෝධයෙන් පරිපූර්ණ නවීන පන්නයට හැඩගැහුණු එකියකි.
දැන් මොකද වෙලා තියෙන්නේ ‘ටිරක් සිං රාවට්’ හත්පොලේ ගාගෙනද?
සිදුව ඇත්තේ එවැන්නකි.
ඉන්දීය කතුන්ගේ ඇඳුම් මාරු කිරීමට පළමුව ‘ටිරක් සිං රාවට්’ තම මානසිකත්වය සහ තනතුර ගැන සිතට ගතයුතුද.
ගී යනුවෙන් නව්‍යා නවේලි ප්‍රසිද්ධ මාධ්‍යයක් හමුවේ පවසා ඇත්තේ සුදු පාට ෂෝට් බ්ලව්සයක් සමඟ දහපොළක් පමණ ඉරී ගිය ඩෙනිමක් ඇඳ ගත් තම ඡායාරූපයක්ද ඒ සමඟ අමුණමිනි.
‘ඔබට දැනුණු හැඟීම් තේරුම් ගත නොහැකිය. කරුණාකර මනෝ උපදේශනය සඳහා යොමුවන්න’ යැයි නව්‍යා උත්තර් ප්‍රදේශ මහ ඇමතිට කදිම නක්කලයක්ද දමා ඇත.
‘අමිතාබ්ගේ මිනිබිරියට එච්චර හයියක්’
අමිතාබ්ගේ මිනිබිරිය පමණක් නොව මිස් යුනිවර්ස් කිරුළ දැරූ ප්‍රවීණ මොස්තර නිරූපිකාවක සහ සමාජ සේවිකාවක වන ‘ගුල් පැනග්’ සමග ඉංග්‍රීසි සාහිත්‍ය පිළිබඳ උපාධිධාරී දේශකවරියක සහ සම්මානනීය නිළියක වන ‘ස්වාරා බාස්කර්’ද උත්තර් ප්‍රදේශ මහ ඇමැති ලුණු ඇඹුල් ඇතුව කියන්නට ඕනෑ ටික මාධ්‍යයට පවසා ඇත.
‘ඔබ මොන මිනිහෙක්ද සර්, කතුන්ගේ ඉරුණු ඩෙනිම, අසරණ කාන්තාවන්ගේ සහ බාල දැරියන්ගේ දූෂණ නඩුවලට වඩා ලොකුවට පෙනුනේ ඔබ යම් භීතිකාවකින් පෙලෙන නිසාදැයි’ යනුවෙන් පවසා තිබුණේ ස්වාරා බාස්කර්ය.
ඒ අතර ගුල් පැනග් අසා තිබුණේ ‘ඔබේ වැදගත් නිලතල ගැන අපට ලැජ්ජයි සර්. ඉරුණු කාන්තා ඩෙනිමක් ගැන ප්‍රසිද්ධියේ ඇඟිල්ල දිගුකළ පළමු දේශපාලකයා භාරත මාතාවගේ භූමියේ ඉපදීම ගැන කාන්තාවක ලෙස මම කනගාටු වෙමි’ කියාය.
නොසිතූ ලෙස ඉරුණු ඩෙනිම ‘රාවට්ගේ’ ප්‍රතිරූපය බ්ලැක් ලිස්ට් කර ඇත. නව්‍යාගේ සීයා අමිතාබ් මේ ගැන කියන්නේ මොනවද?
ඒ ගැන ආරංචියක් නැත. හැබැයි 25 හැවිරිදි නව්‍යා නවේලි නන්දා ඉන්දීය විද්‍යුත් මාධ්‍යවල කදිම තරුවක වී ඇත. ඇගේ සුවහසක් ඉන්ස්ටග්‍රෑම් අනුගාමිකයන් ‘ටිරත් සිං රාවට්, ගෝ හෝම්’ යනුවෙන් උත්තර් ප්‍රදේශ ඇමැතිට සරදම් කොට ඇත.
දමයන්ති රේණුකා ප්‍රනාන්දු