රට ඉදිරියේ ගර්හාවට පත් වෙමින් ජනාධිපති අනුර දිසානායක විසින් වැට පන්නා විගණකාධිපතිවරයෙක් පත් කරගන්නට උත්සාහ කරන්නේ මේ ආණ්ඩුවට එරෙහිව ලබන වසරේ සිට විගණනයවන දූෂණ වසන් කරගැනීමටදැයි සමගි ජන බලවේගයේ පාර්ලිමේන්තු මන්ත්රී මුජබර් රහුමාන් පාර්ලිමේන්තුවේ දී ප්රශ්න කළේය.Sri Lanka Latest News
මේ වනවිට අල්ලස් හෝ දුෂණ විමර්ශන කොමිසම වෙත යොමු වී ඇති මේ ආණ්ඩුවේ අක්රමිකතා චෝදනා යටතට ගැනෙන කන්ටේනර් 323 මුදා හැරීම, මන්නාරම සුළං විදුලි බලාගාරය ටෙන්ඩර් ක්රියා පටිපාටියෙන් පිට ලබා දීම, ජනාධිපති කාර්යාලයේ සිදුවූ වාහන වෙන්දේසියෙදි රජයට විශාල මුදලක් අහිමි කිරීම, ඇතුළු දූෂණ විමර්ශනය ආරම්භ වීමට නියමිත බවත් එම විගණනයන් සිදුවන්නේ රටේ විගණකාධිපතිවරයා යටතේ බවත් මුජිබර් රහුමාන් මන්ත්රීවරයා ප්රකාශ කළේය.
මුජිබර් රහුමාන් මන්ත්රීවරයා තවදුරටත් මෙසේ ද පැවසුවේය.
”ජනාධිපතිතුමා ගෙනා පැරෂුට් කාරයා ව්යවස්ථාදායක සභාවේ දී පරාජයට ලක් වුනා”
“අල්ලස් හෝ දූෂණ විමර්ශනයේ දී විගණකාධිපතිතුමාගේ කාර්ය භාර්ය ඉතාම වැදගත්… අල්ලස් දූෂණ කොමිසමට අදාල දේවල් තමයි විගණකාධිපති තුමා කරන්නේ.”
“අපි දැක්කා විගණකාධිපති තුමා අයින් වුනා. දැන් ඉන්නේ ඇක්ටින් කෙනෙක්. ජනාධිපති තුමා පැරෂුට්කායෙක් විගණකාධිපති කරන්න හැදුවා. ඒකෙන් මොකක්ද වුනේ. ජනාධිපති තුමා රටේ සමච්චලයට ලක් වුනා. ජනාධිපතිතුමා ගෙනා පැරෂුට් කාරයා ව්යවස්ථාදායක සභාවේ දී පරාජයට ලක් වුනා.
“අනුර කුමාර දිසානායක ජනාධිපතිවරයා මැතිවරණ වේදිකාවලදි පොරොන්දුවක් දුන්නා රාජ්ය සේවය සඳහා නුසුදුසු පුද්ගලයින් තනතුරු දෙන්නේ නෑ කියලා. තමුන්නාසෙලගේ ප්රතිපත්ති ප්රකාශයේ 197වැනි පිටුවේ ලියලා තියනවා.”
“එහෙම තිබෙද්දි ජනාධිපති හොරෙන් ඇවිත් වැට පන්නලා විගණකාධිපතිවරයා පත් කරන්න හැදුවා. තියන ප්රශ්නය ජනාධිපති තුමා පහුගිය කාලෙම මේ රටේ රාජ්ය සේවය ගැන කතා කරලා රාජ්ය සේවයට නුසුදුසු පුද්ගලයින් ගැන කතා කරලා ඒවට එන්න ඕන පුද්ගලයින්ගේ අත්දැකීම් ගැන කතා කරලා ඒවට එන්න ඕන ජනතාව ඉදිරියේ කියලා ඇයි මේ විගනකාධිපති තනතුරට සුදුසු නැති පුද්ගලයෙක් ගෙනත් පත් කරන්න හැදුවේ.”
“ඒක තමයි තියන ගැටලුව. විගණකාධිපති තනතුරට මෙතෙක් ඇවිත් තියෙන්නේ එම ආයතනයේ සම්ප්රදාය අනුව. ආයතනයෙන් තමයි පත් වෙන්නෙ. 41 දෙනෙක් පත් වෙලා ඉන්නවා. 42වැනියට සුදුදුකම් තියන පුද්ගලයෙක් ඉන්නවා. චාටර්ඩ් කොලිෆයිඩ් කෙනෙක්. අත් දැකීම් තිබෙන විෂය ගැන අවබෝධයක් තියන දීර්ඝ කාලයක්, ඒ කියන්නේ අවුරුදු 30ක් ඒ දෙපාර්තමේන්තුවෙ වැඩ කරපු කෙනෙක් ඉන්නවා.”
“ඒ කෙනාව තියාගෙන එයාව පත් නොකර එළියෙන් ගෙනාවා අත්දැකීම් නැති කෙනෙක්. රාජ්ය සේවයේවත් හිටපු නැති කෙනෙක්. ඇයි ඒ ගෙනාවේ.. මම දන්නේ නෑ දෙවැනියගෙ නම පිලිබඳ ප්රශ්නයක් තියනව ද කියලා. මොකද එයාගෙ නමත් ගම්මන්පිල. ගම්මන්පිල ගැන ප්රශ්නයක් තියන හින්දද දන්නේ නෑ එතුමාව පත් නොකර හිටියේ. ”
“ආණ්ඩුවේ විගණන පටන් ගන්නවා ලබන වසරේ ඉඳන්. මේ අවුරුද්ද තුළම විගණන ප්රමාණයක් තියනවා. කන්ටේනර් 323 සම්බන්ධව. මේක අපි නෙමෙයි කියන්නේ වරාය රේගු නිලධාරීන් කියන්නේ.
මන්නාරම සුළං විදුලි බලාගාරය ටෙන්ඩර් එකෙන් පිට දුන්න එක ගැන. ඒ වගේම STC එක ලුණු ගෙනල්ලා පෞද්ගලික අංශයට දිලා 130- තිබ්බ ලුණු 350ට වික්කේ කොහොමද කියලා. ඒක ගැන පරීක්ෂණයක් තියනවා. ”
“මේ විදිහට චෝදනා රාශියක් ආණ්ඩුවට මේ කෙටි කාලය තුළ ඇවිත් තියනවා. එතකොට මේ විගණකාධිපති තුමාගේ කාර්ය භාර්ය තමයි මේ චෝදනා ටික විමර්ශනයට ලක් කිරීම. ”
“අන්න ඒ හින්ද තමන්ට හිතවත් විගණකාධිපතිවරයෙක් පත් කරලා මේ වෙච්ච දූෂණ වංචා ටික යට ගහන්න ද ජනාධිපතිතුමා මේ උත්සාහය දැරුවේ. ඒකයි අපි අහන ප්රශ්නය. ”
