21 දා නුගේගොඩ පැවැත්වෙන විරෝධතා රැලිය සම්බන්ධයෙන් සාකච්ඡා කිරීම සදහා පොහොට්ටුව හා එක්සත් ජාතික පක්ෂය අතර විශේෂ හමුවක් ඊයේ (12) රාත්රියේ කොළඹ මල් පාරේ පිහිටි එක්සත් ජාතික පක්ෂ කාර්යාලයේ පැවැත්විණ.Sri Lanka Latest News
මෙම සාකච්ඡාවට පොහොට්ටුව නියෝජනය කරමින් එහි මහලේකම් සාගර කාරියවසම්, ජාතික සංවිධායක නාමල් රාජපක්ෂ, ජොන්ස්ටන් ප්රනාන්දු සහ සංජීව එදිරිමාන්න යන පක්ෂ ජ්යෙෂ්ඨයෝ එක්ව සිටියහ.
නමුත් මෙහිදී දැකගන්නට ලැබුණු විශේෂම සිදුවීම වූයේ එජාප පක්ෂ කාර්යාලයේ පැවැති මෙම සාකච්ඡාවට එජාපයේ ඉදිරිපෙළ කිසිදු නායකයෙකු සහභාගී නොවී සිටීමය.
ඊට එජාපයෙන් එක්ව සිටියේ පක්ෂයේ ජාතික සංවිධායකවරයා වූ සාගල රත්නායක මහතා පමණි.
පක්ෂ ජ්යෙෂ්ඨයන් වන පක්ෂ නායක රනිල් වික්රමසිංහ, මහලේකම් තලතා අතුකෝරාල, නියෝජ්ය මහලේකම් හරීන් ප්රනාන්දු, නියෝජ්ය නායක රුවන් විජයවර්ධන, උපනායක අකිල විරාජ් කාරියවසම්, නවීන් දිසානායක වැනි කිසිවකුත් ඊට සහභාගී වී නොසිටීම විශේෂ සිදුවීමක් විය.
පක්ෂ සභාපතිවරයා වන වජිර අබේවර්ධන මහතා සාකච්ඡාව ආරම්භ වීමට පෙර කාර්යාල ගේට්ටුව අසලදී පැමිණි ආරාධික අමුත්තන් හට අතට අත දී පිටව ගිය ආකාරයක් දැකගන්නට ලැබිණ
කෙසේවෙතත් මේ ආකාරයට එජාපයේ ආරාධනයෙන් පොහොට්ටු ප්රධානීන් මල්පාරේ පක්ෂ කාර්යාලයට පැමිණෙද්දී එජාප ජ්යෙෂ්ඨයන් එම අවස්ථාවට එක් නොවුණේ පොහොට්ටුවට විරෝධය පළ කිරීමක් වශයෙන්ද, එසේත් නැත්නම් සාකච්ඡාව සංවිධාන කළ සාගල රත්නායක මහතාට විරෝධය පළකිරීමක් වශයෙන්දැයි බොහෝ දෙනා තුළ මේ වනවිට සැකයක් මතුව තිබේ.
මන්ද සාකච්ඡාවට සහභාගී වූ සජබ වෘත්තීය සමිති නියෝජිත ආනන්ද පාලිත මහතා සදහන් කර සිටියේ සාගල රත්නායක මහතාගේ ආරාධනාවකට අනුව තමන් මෙම සාකච්ඡාවට සහභාගී වූ බවකි.
එමෙන්ම එජාප නායක රනිල් වික්රමසිංහ මහතා මෙම සාකච්ඡාවට සහභාගී නොවුණේ හිටපු ජනාධිපතිවරුන් කිසිවකුත් නුගේගොඩ රැළියට සහභාගී නොවිය යුතු බවට පොහොට්ටුව පැත්තෙන් ඉදිරිපත් කළ කොන්දේසියට විරෝධය පළ කිරීමටදැයි යන්න පිළිබදව විශාල සැකයක් බොහෝ දෙනා තුළ මතුව තිබේ.
පසුගිය සතියේ මෙම පොහොට්ටු ප්රධානීන් කණ්ඩායමම ශ්රීලංකා නිදහස් පක්ෂය සමග සාකච්ඡා කිරීම සදහා ඩාලි පාරේ පිහිටි එම පක්ෂ මූලස්ථානයට ගොස් තිබූ අතර එහිදී එම පක්ෂයේ ජ්යෙෂ්ඨ නායකයන් සියල්ල ඊට එක්ව සිටි ආකාරයක් දැකගන්නට ලැබිණ.
නාමල් ඩාලි පාරට ගියවිට ශ්රීලනිප ජ්යෙෂ්ඨයන්ගෙන් ලැබුණු පිළිගැනීම!
