කොවිඩ් මර්දනය සඳහා ලබාදෙන ෆයිසර් එන්නත ලබා ගැනීමට හැකිවූ දකුණු ආසියාවේ පළමු රට බව ශ්රී ලංකාව යැයි ප්රකාශ කෙරුණත් එය එසේ සිදුවී නොමැති බව යුනිසෙෆ් ආයතනය මගින් නිකුත් කළ ට්විටර් පණිවුඩයකින් අනාවරණය කොට ඇත.
ඒ අනුව ශ්රී ලංකාවට පෙර මාලදිවයිනට ෆයිසර් එන්නත් මාත්රා 5,850ක් කොවැක්ස් පහසුකම යටතේ පසුගිය මාර්තු 25 වෙනිදා ලබා දීමට පියවර ගෙන ඇත.
කෙසේ වුවත් රජය සඳහන් කළේ දකුණු ආසියාවේ ෆයිසර් එන්නත් ලබා ගැනීමට හැකිවූ පළමු රට ශ්රී ලංකාව බවයි.
එන්නත් සම්බන්ධයෙන් අදහස් පළකරමින් ජනාධිපති ගෝඨාභය රාජපක්ෂද සඳහන් කළේ සිය රජයේ වැඩපිළිවෙල සම්බන්ධයෙන් තමන් සතුටට පත්වන බවයි.
මේ අතර රාජ්ය අමාත්ය චන්න ජයසුමන සඳහන් කලේ රාජ්ය ඖෂධ සංස්ථාව විසින් මිලදී ගනු ලැබූ ෆයිසර් එන්නත් මාත්රා 200,000ක් අතරින් පළමු කාණ්ඩය ලෙස මෙම මාත්රා තොගය පැමිණි බවයි.
ඇස්ට්රාසෙනිකා එන්නතේ පළමු මාත්රාව ලබා ගෙන සිටින ගැබිණි මව්වරුන් සඳහා මෙම එන්නත් තොගය දෙවන මාත්රාව ලෙස ලබාදීමට නියමිතයි.
More vaccines have arrived!
— UNICEF Maldives (@UNICEFMaldives) March 25, 2021
Maldives has received 5,850 doses of Pfizer vaccines sent by COVAX facility to support the #COVID19 vaccination campaign.@UNICEF is supporting Gov. of Maldives in public communication, supply, logistics & cold chain management for the vaccination. pic.twitter.com/zw4a8Dr3yT
