ජාතික වෙසක් සතිය අදින් (21) ආරම්භ වේ.Sri Lanka Latest News
අද සිට ලබන 27 වනදා දක්වා කාලය වෙසක් සතිය ලෙස ප්රකාශයට පත්කර ඇති අතර මෙවර රාජ්ය වෙසක් උත්සවය මාතලේ ධර්මරාජ පිරිවෙන් විහාරස්ථානය කේන්ද්ර කර ගනිමින් පැවැත්වීමට සැලසුම් කර තිබේ.
වෙසක් සතියේ සමාරම්භක උත්සවය අද අග්රාමාත්ය දිනේෂ් ගුණවර්ධන මහතාගේ ප්රධානත්වයෙන් ආරම්භ වීමට නියමිතය.
වෙසක් සමයේ අනවශ්ය සැණකෙළි ආදිය පැවැත්වීමෙන් වළකින ලෙස බුද්ධශාසන හා ආගමික කටයුතු අමාත්ය විදුර වික්රමනායක මහතා සඳහන් කළේය.
වෙසක් උත්සවය නිමිත්තෙන් දිවයින පුරා විශේෂ ආරක්ෂක වැඩපිළිවෙළක් ක්රියාත්මක කර ඇති බව පොලීසිය සඳහන් කළේය.
ඒ සඳහා පොලීසියට අමතරව ත්රිවිධ හමුදාවේ ද සහාය ලබාගැනීමට බලාපොරොත්තු වන බව පොලිස් මාධ්ය ප්රකාශක නියෝජ්ය පොලිස්පති නීතීඥ නිහාල් තල්දූව මහතා සඳහන් කළේය.
වෙසක් පොහොය නිමිත්තෙන් දිවයින පුරා සුරාසැල් සහ මත්පැන් අලෙවිසැල් මැයි 23 සිට 24 යන දිනයන්වල වසාතැබෙන බව සුරාබදු දෙපාර්තමේන්තුව නිවේදනය කරයි.
මීට අමතරව මාතලේ නගර සීමාව තුළ පවතින සියලුම බලපත්රලත් සුරාසැල් මැයි 21 සහ 22 යන දිනයන්වල වසා තැබීමට තීරණය කර ඇත.
මෙවර මාතලේ දිස්ත්රික්කයේ රාජ්ය වෙසක් උත්සවය පැවැත්වීමට නියමිත හෙයින් මෙම තීරණය ගෙන ඇති බව වාර්තා වේ.
