මැදපෙරදිග රටවල් 14ක සිටින අමෙරිකානු පුරවැසියන්ට වහාම ඉවත්වන ලෙස එක්සත් ජනපද රාජ්ය දෙපාර්තමේන්තුව දැනුම් දි තිබේ.Sri Lanka Latest News
ඉරානයට එරෙහිව අමෙරිකාව සහ ඊශ්රායලය ප්රහාර එල්ල කිරීමත් සමඟ පවතින ආරක්ෂිත අවදානම සැලකිල්ලට ගනිමින් මෙම දැනුම්දීම සිදුකර ඇති බව විදෙස් මාධ්ය සඳහන් කළේය.
ඒ අනුව බහරේන්, ඊජීප්තුව ,ඉරානය ,ඉරාකය, ඊශ්රායලය, ජෝර්දානය, කුවේට්, ලෙබනනය, ඕමානය, කටාර්, සෞදි අරාබියාව, සිරියාව, එක්සත් අරාබි එමීර් රාජ්ය සහ යේමනය යන රටවල සිටින අමෙරිකානු පුරවැසියන්ට එලෙස ඉවත් වන ලෙස දැනුම් දී තිබේ.
මේ අතර ඉරානයට එරෙහිව තවමත් බරපතළ ප්රහාර එල්ල කර නොමැති බව අමෙරිකානු ජනාධිපති ඩොනල්ඩ් ට්රම්ප් පවසයි.
අමෙරිකානු ජනාධිපතිවරයා පෙන්වා දෙන්නේ, ටෙහෙරානයේ න්යෂ්ටික මිසයිල වැඩසටහන ව්යර්ථ කිරීම සඳහා ඉරානය වෙත ප්රහාර එල්ල කිරීමට නියෝග කළ බවය.
මැදපෙරදිග කලාපයේ පවතින ගැටුම් සම්බන්ධයෙන් ධවල මන්දිරයේදී මාධ්ය අමතමින් අමෙරිකානු ජනාධිපති ඩොනල්ඩ් ට්රම්ප් මේ බව ප්රකාශ කර තිබේ.
සති හතරක හෝ පහක කාලයක් මෙම ගැටුම් පවතිනු ඇති බවට මීට පෙර ඇස්තමේන්තු කර තිබුණද ඒ සඳහා ඊට වඩා වැඩි කාලයක් ගතවනු ඇති බව අමෙරිකානු ජනාධිපතිවරයා පෙන්වා දෙයි.
