හම්බන්තොට රිදියගම ජලාශය කේන්ද්ර කර ගෙන ක්රියාත්මක කිරීමට නියමිත පාවෙන සූර්ය බලශක්ති බලාගාරය නිසා එම ජලාශය කේන්ද්ර කර ගෙන සිය ජීවිකාව ගෙන යන පවුල් 700ක පුද්ගලයන් 3300කට ආසන්න ප්රමාණයකට අගතියක් සිදුව ඇති බව විපක්ෂ නායක සජිත් ප්රේමදාස මහතා අද පාර්ලිමේන්තුවේදී පැවසීය.Sri Lanka Latest News
හම්බන්තොට දිස්ත්රික්කයේ වසම් 4කට අයත් ජනතාව ජීවිකාව කර ගෙන යන හෙක්ටයාර 871ක් විශාල රිදීගම ජලාශයෙන් සෘජුව පවුල් 200ක් හා වක්රව පවුල් 300ක් ඇතුළු පවුල් 700ක පුද්ගලයන් 3300ක් මිරිදිය මත්ස්ය කර්මාන්තය කේන්ද්ර කර ගෙන ජීවිකාව ගෙන යන බවත් 2021 මත්ස්ය අස්වැන්න 563208, 2022 දී 625222ක් හා 2023 දී 549810ක් වූ බවත් මෙහි මිරිදිය ඉස්සන් වගාව ප්රචලිත බවත් සමස්ත ආදායම ඇ. ඩොලර් ලක්ෂ 12කට වැඩි ප්රමාණයක් බවත් විපක්ෂ නායකවරයා පැවසීය.
නමුත් මේ වන විට එහි මතුපිට සියයට 18ක ප්රමාණයක බැම්මට මීටර් 100ක් ආසන්නයේ පාවෙන සෝලා වැඩසටහනක් ක්රියාත්මක කරන්න කටයුතු කිරීම තුළ ඒ ප්රදේශයේ ධීවර ප්රජාව අපහසුතාවට ලක්ව ඇති නිසා ඒ ගැන ශක්යතා වාර්තාවක් ක්රියාත්මක කර එම පවුල් සමග සාකච්ඡා කර රිදීගම ජලාශයෙන් යැපෙන ජනතාවට අගතියක් නොවන ලෙස වගබලා ගන්නා ලෙසත් විපක්ෂ නායක සජිත් ප්රේමදාස මහතා අද පාර්ලිමේන්තුවේදී පැවසීය.
