මේ වනවිට මාලිමා ආණ්ඩුව ඇතුළේ ප්රධානම චරිතයක් බවට ජවිපෙ ප්රධාන ලේකම් ටිල්වින් සිල්වා මහතා පත්ව ඇති ආකාරයක් දැකගන්නට පුළුවන. ඒ බව තහවුරු වන්නේ මෙරටට පැමිණෙන ජාත්යන්තර නායකයන් සහ නිලධාරීන්, ආණ්ඩුවේ මැති ඇමැතිවරුන් ජනාධිපතිවරයා මුණගැසීමට අමතරව පැලවත්ත ජවිපෙ මූලස්ථානයට ගොස් ටිල්වින්වත් හමුවීම පුරුද්දක් කරගෙන ඇති නිසාය. Sri Lanka Latest News
විශේෂයෙන්ම පසුගිය දිනවල ලංකාවට පැමිණි එක්සත් ජාතීන්ගේ මානව හිමිකම් කොමිසමේ මහකොමසාරිස් වෝල්කර් ටර්ක් මහතා ජනාධිපතිවරයා සහ මැති ඇමැතිවරුන් හමුවී ටිල්වින් හමුවීමටද පියවර ගත්තේය. එමෙන්ම පසුගිය සතියේ ලංකාවට පැමිණි දකුණු අප්රිකාවේ හිටපු ජනාධිපති තාඕ ම්බෙකි මහතා ජනාධිපතිවරයා මුණගැසී ටිල්වින්වද හමුවීමට පියවර ගෙන තිබිණි. නමුත් මෙහි ඇති විශේෂත්වය වන්නේ මේ කිසිදු අයකු විපක්ෂ නායකවරයා තනිව මුණගැසීමට පියවර ගෙන නොතිබීමය.
සාමාන්යයෙන් වෙනත් රටක රාජ්ය නායකයකු හෝ ඉහළ පෙළේ දූත පිරිස් ලංකාවට පැමිණෙන්නේ නම් ප්රොටෝකෝලයට අනුව ජනාධිපතිවරයා පමණක් නොව විපක්ෂනායකවරයා ඇතුළු විපක්ෂයේ නියෝජිතයන්ද හමුවීම සාමාන්ය සම්ප්රදායය. නමුත් පසුගිය දිනවලදී එවැන්නක් දැකගන්නට ලැබුණේ නැත. ඒ අනුව මේ වනවිට ටිල්වින් විපක්ෂයේ නායකයන්ටත් වඩා ප්රබල තැනකට පත්ව ඇති ආකාරයක් දැකගැනීමට පුළුවන.
