සමීක්ෂණ…. ලාභයි ලාභයි සමීක්ෂණ… පොළේ කඩපළේ හැම තැනකම දැන් තියෙනවා සමීක්ෂණ. ස්ටේෂන් එකේ, බස් නැවතුමේ, සිල්ලර කඩවල, මාළු කඩේ, මස් කඩේ, පොත් කඩේ, ටොෆි කඩේ, චොකලට් කඩේ, බුලත් විට කඩේ හැම තැනම තියෙනවා. ලාබෙට තියෙනවා සමීක්ෂණ. ඕනේ කෙනෙක්ට තියෙනවා සමීක්ෂණ. මයික් එකක් ගත්තා, කැමරාවක් ගත්තා, පාරේ ඇවිදින ගමන් සමීක්ෂණ. පොඩි පොඩි වැඩ කෑල්ලක් දාලා සමීක්ෂණයක් කළා නම් තව ටිකක් හොඳයි. ආවේගශීලී වෙලා, කාගෙ හරි කුණු ගොඩක් අවුස්සලා, කාට හරි පේන්න පොඩි ගොන් පාට් එකක් දාලා. මේ සමීක්ෂණ වැඩේ දැන් නැගලම යනවා. මේ දේවල් කරලා දැම්මාම ඉතින් කීයක් හරි හම්බ කරගන්න පුළුවන්. අතන පොළේ සමීක්ෂණය, මෙතන පොළේ සමීක්ෂණය, මෙතන කඩේ සමීක්ෂණය, ඇළේ දොළේ සමීක්ෂණය කියලා. මෙන්න මේ සමීක්ෂණකාරයෝ තමයි ඊළඟට හොඳම එකෙන් ඇනගන්නේ. හොඳම එකෙන් කොළේ ඉරාගෙන ඇඟේ හලාගන්නේ කියලා අපි කියනවා. (Sri Lanka Latest News)
පහුගිය දවස්වලත් මේ වැඩේ වුණා. හැබැයි ඒ වුණේ සමීක්ෂණ කට්ටියට නෙවෙයි. ඒ තමයි ජ්යොතිෂවේදීන්. ජ්යොතිෂවේදියෝ ඇත්තටම හොඳ ගානක් හොයාගෙන පොඩි ආතල් එකක හිටපු කට්ටියක්නේ. මේගොල්ලෝ රුපියල් 25,000ටත් මිනිස්සුන්ගේ කේන්දර බැලුවා. හොඳට සල්ලි හෙව්වා. ඒවායේ හරි වැරැද්ද ගැන අපි දන්නේ නෑ. කොහොම හරි ඒගොල්ලෝ ඒක කළා. හැබැයි මේ රුපියල් ලක්ෂ තුන හතර අයකරලා, අන්ජනම් බලලා, කොඩිවින කපලා, වළලපුවා ගොඩ අරගෙන අනම් මනම් කරලා බඩවියත රැකගෙන කීයක් හරි හොයාගෙන පොඩි ආතල් එකක් අරගෙන හිටපු කට්ටිය අන්තිමටම මොකද වුණේ? දේශපාලකයන්ට කඩේ යන්න පටන් ගත්තා. අරයා දිනනවා මෙයා දිනනවා කියලා අනාවැකි කියන්න ගත්තා. ඒ අනාවැකි හැම එකම බොරු වෙලා අන්තිමට පාරේ බැහැලා යන්න බැරි විදියට පච වෙලා, ලැජ්ජාවට පත්වෙලා මිනිහෙක් වෙලාවක් බලාගන්නවත් යන්නේ නැති තත්ත්වෙට පත්කරගත්තා. ඒ කරගැනිල්ල මේ පාර කරගන්නේ අපි දන්න හඳුනන, අපේ යාළු මිත්රයන් වන යූටියුබ් කට්ටිය කියලා කියන්න ඇත්තටම කනගාටුයි. මොකද හේතුව පාරේ තොටේදී දකිනවා, මුණගැහෙනවා, අපේ හිතවත්තු. ඒගොල්ලෝ මේ වෙලාවේ අවුලට පත්වෙන එක, ලැජ්ජාවට පත්වෙන එකට අපි ආසා නෑ. මොකද මේ අපි දන්න කියන අය වුණාම ඒගොල්ලන්ට අපහාසයක් වෙනවට අපි කැමැති නෑ. ප්රශ්නේ තියෙන්නේ වෙන්න තියෙන දේ වළක්වන්න බෑ වගේ මේ වෙලාවේ මේ සමීක්ෂණ කරන්න ගිහිල්ලා ඇදගෙන නාගන්නේ වෙන කවුරුවත් නෙවෙයි අපේ හිතවත් යූටියුබ් මහත්තුරු.
යූටියුබ් එකේ දේශපාලන විග්රහයක් කරලා, දේශපාලන පැහැදිලි කිරීමක් කරලා, පොඩි කතාබහක් ඇතිකරලා, සංවාදයක් ඇතිකරලා, සාකච්ඡාවක් ඇතිකරලා කරගන්නවට වඩා මේ සමීක්ෂණ කරන්න ගිහිල්ලා අගක් මුලක් නැති කාරණා පැහැදිලි කරන්න ගිහිල්ලා වැඩේ අනාගන්නවා. මොකද සමීක්ෂණයක් කියලා කියන්නේ ඇත්තටම වෘත්තීය මට්ටමෙන් කරන, නිල වශයෙන් කරන සමීක්ෂණ ලෝකේ තියෙනවා. සමීක්ෂණ කියන හැම එකම නරකයි කියලා අපි කියනවා නෙවෙයි. සමීක්ෂණ කරන්න එපා කියනවත් නෙවෙයි. හැබැයි ඉතින් සමීක්ෂණ වගේ දේවලදී බොහොම පරිස්සම් වෙන්න ඕනේ. මොකද අනාවැකි බොරු වෙන්න පුළුවන්. ජ්යොතිෂ අනාවැකි, තරු බලලා, ඉර හඳ බලලා අරවා ගැනලා, මේවා ගැනලා කරපු ජ්යොතිෂ අනාවැකිත් බොරු වුණා නම් වැරැදුණා නම්, පැටලුණා නම් ඒගොල්ලොත් අසමත් වුණා නම් මේගොල්ලෝ අසමත් වෙනවා කියන එක ආයේ අහන්න දෙයක් නෑනේ. ඒක නිසයි අපි කියන්නේ නිකන් නෝන්ඩි වෙන්න එපා මේ වගේ දේවල් කරන්න ගිහිල්ලා.
සමීක්ෂණයකට අවශ්ය කරන නිසි පරිසරයක් නැතුව, නිසි ආකාර පැහැදිලි කිරීමක් නැතුව, නිසි ආකාරයෙන් දේවල් අවබෝධ කරගන්නේ නැතුව සමීක්ෂණ කරන එක පුදුම භයානක දෙයක්. සමීක්ෂණයක් කියලා කියන්නේ දේශපාලනයට එක පැත්තකින් කරන උදව්වක්. එක පැත්තකින් කරන අභිප්රේරණයක්. තව පැත්තකින් සමාජය කියවා ගැනීමක්. ඉතින් ලෝකේ තියෙනවා සමීක්ෂණ කරන ආයතන. ඉතාම නිර්ව්යාජව සමීක්ෂණ කරන ආයතන තියෙනවා. ඉතාම ව්යාජව සමීක්ෂණ කරන ආයතනත් තියෙනවා. සමහර ආයතන සමීක්ෂණයක් කරනකොට ඒගොල්ලෝ බොහොම නරක විදියට පක්ෂග්රාහී වෙන අවස්ථා තියෙනවා. යූටියුබ් එකට අපි කියන්නේ නෑ ඒගොල්ලෝ පක්ෂග්රාහී කියලා, ඒගොල්ලෝ නරකයි කියලා. යූටියුබ් එකේ ඉන්න හුඟ දෙනෙක් එහෙම පක්ෂග්රාහී විදියටවත්, කාටවත් කඩේ යන්නවත් උත්සාහ කරනවා කියලා අපි චෝදනා කරන්නේ නෑ. එහෙම වෙනවද කියලා අපි දන්නේ නෑ. එහෙම නොවනවා කියලා කියනවා නෙවෙයි. එහෙම වෙන්නත් පුළුවන්. නමුත් අපි චෝදනා කරන්නේ නෑ කියලයි කියන්නේ.
ප්රශ්නය තියෙන්නේ මේ වගේ අවස්ථාවලදී හරිම අනියත තත්ත්වයක් තියෙන්නේ. මොකක් වෙයිද කියලා කාටවත් කියන්න බැරි තත්ත්වයක්. එහෙම තත්ත්වයක් යටතේ මේ වෙලාවේ කොළේ ඉරාගෙන ඇඟේ හලාගන්නේ යූටියුබ් කට්ටිය කියලා අපිට හිතෙනවා. කලින් වතාවේ මේ වැඩේ කරගත්තේ ජ්යොතිර්වේදීන්. මේපාර මේ වැඩේ කරගන්නේ කියන්න කනගාටුයි යූටියුබ් මිත්රයෝ වගේ තමයි අපිට පේන්නේ.
ජීවන පහන් තිළිණ
