ආණ්ඩුවේ උද්දච්ච හැසිරීම නිසා රටේ ජාතික ආරක්ෂාව අනතුරට පත්වී තිබෙනවා. ඒ වගේම ජාතික ආරක්ෂාව පිළිබඳ පන්ති පවත්වන බව කියූ ආරක්ෂක නියෝජ්ය ඇමතිවරයා අද සොයා ගැනීමටත් නොහැකි වී තිබෙනවා. ඒ නිසා කයිවාරු නොගසා රටේ ජාතික ආරක්ෂාව තහවුරු කිරීමට ආණ්ඩුව වහාම කටයුතු කළයුතුයි යැයි මන්ත්රී එස්.එම්. මරික්කාර් මහතා පැවසීය.Sri Lanka Latest News
ඒ මහතා මෙසේද කීය.
ඒ වගේම බලශක්ති ක්ෂේත්රයේ ප්රතිසංස්කරණ පිළිබඳව සොයා බැලීමට ලේකම් කාර්යාලයක් පිහිටුවීමට ආණ්ඩුව කටයුතු කළා. එහි අධ්යක්ෂකවරයා ලෙස ජනතා විමුක්ති පෙරමුණේ වෘත්තීය සමිති නායකයකු පත් කරන්න ආණ්ඩුව කටයුතුකළා. ඒ අනුව ඔහුගේ කාල සීමාව පසුගිය පහළොස් වැනිදා අවසන්වුණා. කෙසේ නමුත් බලශක්ති අමාත්යාංශයේ ලේකම්වරයා විසින් ඔහුගේ පත්වීම දීර්ඝ කර තිබෙනවා. කෙසේ නමුත් විදුලිබල ක්ෂේත්රයේ ප්රතිසංස්කරණ පිළිබඳ කාර්යාලයේ අධ්යක්ෂකවරයාගේ කාලය දීර්ඝ කිරීම සම්බන්ධයෙන් බලශක්තිය ඇමතිවරයා බලශක්ති අමාත්යාංශ ලේකම්වරයාට දෝශාරෝපණයක් එල්ල කර තිබෙනවා. කෙසේ නමුත් අමාත්ය මණ්ඩලයේ සිටින තවත් එක් උද්දච්ච ඇමතිවරයෙක් ලෙස බලශක්ති අමාත්යවරයා හඳුන්වා දෙන්න පුළුවන්.
ඒ වගේම විදුලි බල මණ්ඩලය විදුලි බිල කෙටි පණිවිඩයක් මඟින් ජංගම දුරකථනයට දැනුම් දීමට කටයුතු කර තිබෙනවා. නමුත් ජංගම දුරකථනය පෙටි පණිවිඩයක් බලා ගැනීමට නොහැකි පුද්ගලයන්ට විදුලි බිල නිවැරදි වේලාවට ගෙවා. නිවැරදි වේලාවට ගෙවා ගැනීමට නොහැකි තත්ත්වයක් උදාවී තිබෙනවා.
ඉන්පසු විදුලි බිල නොගෙවූ බව සඳහන් කරමින් විදුලිය විසන්ධි කිරීමට ලංකාව විදුලිබල මණ්ඩලය කටයුතු කරමින් සිටිනවා. කෙසේ නමුත් දුරකථනයට පැමිණෙන විදුලි බිල සම්බන්ධයෙන් පාරිභෝගිකයාට නැවත දැනුම් දීමක් කිරීමට විදුලි බල මණ්ඩලය කටයුතු කළ යුතුයි. නමුත් ඒ සම්බන්ධයෙන් සලකා බැලීමට තවමත් කටයුතු කර නැහැ. ඒ සම්බන්ධයෙන් ඇමතිවරයාත් නිසි ප්රතිචාරයක් තවම දක්වා නැහැ.
ඒ වගේම බලශක්ති ඇමතිවරයා යටතේ තිබෙන ගල් අඟුරු ගෙන්වන සමාගම යටතේ ටෙන්ඩරයක් ක්රියාත්මක වෙනවා. නමුත් එයට අනුමැතිය ලබා දී නැහැ. කෙසේ නමුත් මේ ටෙන්ඩරය පිරිනැමීමට තෝරාගෙන තිබෙන සමාගම පසුගිය කාලයේ සතොස ආයතනයට හාල් සපයන බවට පොරොන්දු වී පොල්ල තියපු ආයතනයක්. ඒ වගේම එමසමාගමේ දේශීය නියෝජිතයා හිටපු ඇමති හරින් ප්රනාන්දුට අල්ලස් ලබාදීමට ගොස් දඬුවම් ලැබූ පුද්ගලයෙක්. ආණ්ඩුව මෙවැනි පුද්ගලයන් සමග තමයි ගනුදෙනු කරන්නේ.
ඒ වගේම ලංකාවට ගල් අඟුරු ගෙන ඒමට හැකියාව තිබෙන්නේ ඔක්තෝබර් මාසයේ සිට මාර්තු මාසය දක්වාපමණයි. එම කාලය තුළ අවුරුද්දටම සරිලන පරිදි ගල් අඟුරු ගෙන ආ යුතුයි. කෙසේ නමුත් ප්රමිතියෙන් තොර ගල් අඟුරු රටට පැමිණියහොත් විශාල පාඩුවක් රටට සිදුවෙනවා. ඒ නිසා මේ සම්බන්ධයෙන් සොයා බලන්නැයි. ඒ නිසා මේ සම්බන්ධයෙන් සොයා බලන්නැයි ජනාධිපතිවරයාගෙන් අපි ඉල්ලා සිටිනවා. එසේ නමුත් රුපියලක්වත් හොරකම් කරන්නේ නැති බව ප්රකාශ කළ ආණ්ඩුවට රුපියලක්වත් නාස්ති කිරීමටත් නොහැකියි.
