2025 කන්ද උඩරට ඇසල පෙරහර මංගල්යය මෙවරද අතිඋත්කර්වත් අයුරින් දින දහයක් පුරා මහනුවර නගරයේ වීදි සංචාරය කිරීම සදහා සියළු කටයුතු සූදානම් බව ශ්රී දළදා මාළිගාවේ දියවඩන නිළමේ නිලංග දෑල මහතා පැවසීය .Sri Lanka Latest News
ඒ මහතා මේ බව සදහන් කළේ ඇසල පෙරහර මංගල්යය පැවැත්වීම පිලිබඳව රාජ්ය සම්පත් දායක ආයතන ඒකාබද්ධ කරමින් මහනුවර ශ්රී දළදා මාළිගාවේ රැස්වීම් ශාලාවේදී පැවැති විශේෂ සාකච්ඡාවේදී අදහස් දක්වමිනි.
චිරාගත චාරිත්රානුකූලව ජූලි මස 25 දින පෙරවරු 6 පසුවී විනාඩි 05 ට උතුරු දිශාව බලා කප් හිටුවීමෙන් පෙරහර මංගල්යය ආරම්භ කෙරන බවත් ඉන් අනතුරුව ජූලි මස 30 දින ප්රථම කුඹල් පෙරහර වීදි සංචාරය කරන අතර කුඹල් පෙරහර දින පහක් පුරා විදි සංචාරය කරන බවත් පැවැසිය.
අගෝස්තු මස 04 වැනි දින මෙවර ඇසල පෙරහර මංගල්යයේ ප්රථම රන්දෝලි පෙරහර වීදි සංචාරය කරන අතර 8 වැනිදා අවසන් රන්දෝලි පෙරහර උත්කර්ෂවත් අයුරින් වීදි සංචාරය කරමින් එදින අලුයම දිය කැපීමේ මංගල්යය පවත්වා පසුදින දහවල් පෙරහර පැවැත්වීමෙන් පසු ජනාධිපති මන්දිරයේ පැවැත්වෙන පෙරහර අවසන් කිරීමේ සම්ප්රදායික උත්සවයෙන් අනතුරුව 2025 ඇසල පෙරහර මංගල්යය නිමාවට පත් කිරීමට නියමිත බවද දියවඩන නිළමේ නිලංග දෑල මහතා පැවසීය .
සිව් මහා දේවාලයන්ගේ පූර්ණ දායකත්වය ඇතිව පවත්වනු ලබන මෙම පෙරහර මංගල්ය සාර්ථක කර ගැනීමට බාධාවක් වී ඇත්තේ අලි ඇතුන්ගේ ප්රශ්නය බවත් මේ පිලිබඳව දීර්ඝකාලීනව වගකිව යුතු පාර්ශවයන් දැනුවත් කළද මෙතෙක් සාර්ථක විසදුමක් ලැබී නොමැති බවද දියවඩන නිළමේ වරයා පැවැසීය .
පෙරහර නරඹන්නන් අතර පෙරහරේ සාර්ථකත්වය මැන බලන ප්රධාන සාධකය වී තිබෙන්නේ පෙරහරට සහභාගී කරන අලි ඇතුන්ගේ සංඛ්යාව මතයි.අපි දීර්ඝකාලීනව මේ ප්රශ්ණය පිළිබඳව වගකිව යුතු අංශ දැනුවත් කර තිබෙනවා.මේ සදහා සාර්ථක දීර්ඝකාලීන විසදුමක් ලබාදීමට කටයුතු කරනු ඇතැයි කියා අපි විශ්වාස කරනවා යැයිද ඒ මහතා වැඩිදුරටත් පැවසීය .
මෙහිදී අදහස් දක්වමින් මහනුවර ශ්රී විෂ්ණු මහා දේවාලයේ බස්නායක නිළමේ මහීන්ද්ර රත්වත්තේ මහතා සදහන් කළේ අලි ඇතුන්ගේ හිගය මෙවරද බලපානු ඇති බවයි. නැටුම් කණ්ඩායමක් අගට අලි ඇතුන් යොදවා පෙරහර අලංකාරය හා ගාම්භීර බවට පත් කිරීම සිරිත වුවද අලි ඇතුන් හිගය හේතුවෙන් පෙරහරේ සම්ප්රදායික සැලසුම් වලටද බලපෑමක් එල්ලවී ඇති බවද ඒ මහතා පැවැසිය.ශ්රී දළදා පෙරහරේ සාර්ථකත්වයට මෙම තත්වය බෙහෙවින් බලපා ඇති බවද මහීන්ද්ර රත්වත්තේ මහතා පැවසීය.
මෙම අවස්ථාවට ඇසල පෙරහර මංගල්යය සාර්ථක කර ගැනීම සදහා සුවිශේෂී දායකත්වයක් සපයනු ලබන මහනුවර ශ්රී විශ්ණු මහා දේවාලයේ බස්නායක නිළමේ මහීන්ද්ර රත්වත්තේ,ශ්රී කතරගම දේවාලයේ බස්නායක නිළමේ දමින්ද උඩුරාවණ ,නාථ දේවාලයේ බස්නායක නිළමේ එස්.බණ්ඩාරනායක,පත්තිනි දේවාලයේ බස්නායක නිළමේ හේමන්ත බණ්ඩාර හේරත් යන සිව් මහා දේවාලයන්හි බස්නායක නිළමේ වරුන් මහනුවර දිස්ත්රික් ලේකම් ඉන්දික උඩවත්ත ,මහනුවර නාගරික කොමසාරිස් ඉන්දිකා අබේසිංහ ,මහනුවර ජ්යෙෂ්ඨ පොලිස් අධිකාරි අනුරුද්ධ බණ්ඩාරනායක ,මහනුවර යුද හමුදා ප්රධානීන් ඇතුලු මහත්ම මහත්මීන් ඇසල පෙරහර මංගල්යය සාර්ථක කර ගැනීම සදහා දායකත්වය දක්වන රාජ්ය ආයතන හා පුද්ගලික ආයතන ස්වේච්ඡා සංවිධාන රැසක ප්රධානීන් සහභාගී වූහ.
kandy prime news
