ඉන්දීය සාගර කලාපය තුළ සිදුවන බල අරගලවලදී ශ්රී ලංකාව කිසිදු පාර්ශ්වයක් වෙනුවෙන් පෙනී නොසිටිය යුතු දෙමළ ජාතික සන්ධානය පවසයි.
හම්බන්තොට වරායට පැමිණීමට නියමිත YUAN WANG 5 චීන නෞකාව සම්බන්ධයෙන් සිය ස්ථාවරය පැහැදිලි කරමින් දෙමළ ජාතික සන්ධානය එලෙස පැවැසීය.
ඉන්දීය සාගරය තුළ චීන හමුදා ක්රියාත්මක වීම යනු ඉන්දියාවට ආරක්ෂාව සම්බන්ධයෙන් නීත්යනුකූල අවධානයක් යොමුකිරීමට හේතුවක් වන බව පෙන්වා දෙන එම සන්ධානය, ශ්රී ලංකාව තුළ චීන හමුදා සඳහා අවකාශ සැලසීමෙන් එම තත්ත්වය තහවුරු නොකළ යුතු බවද පවසයි.
වයඹදිග ඉන්දීය සාගර කලාපයේ අභ්යවකාශ හා චන්ද්රිකා ක්රියාකාරකම් නිරීක්ෂණය කිරීමට YUAN WANG 5 චීන නෞකාව හම්බන්තොට වරායට පැමිණීමට නියමිත බව සැලවීමත් සමග ඒ සම්බන්ධයෙන් ඉන්දියාව හා චීනය අතර මේ වන විට මතභේදාත්මක තත්ත්වයක් උද්ගතව තිබේ.
