අයවැය ආරම්භයේ සිටම සමගි ජන බලවේගය පිළිගත් ස්ථාවර වූයේ රටේ ප්රධානතම ප්රශ්න ගැටලු හා අභියෝගවලට තිරසර විසදුමක් ලබා දීම වුවත් මේ අයවැය තුළින් එවැනි විසඳුමක් ලබා නොදුන් බවත් මේ අයවැය විවාදය පුරාවටම රටේ ජනතාවගේ සාධනීය ප්රශ්න විසඳී නොමැති බවත් විපක්ෂ නායක සජිත් ප්රේමදාස මහතා පැවසීය.Sri Lanka Latest News
විපක්ෂ නායක සජිත් ප්රේමදාස මහතා මේ බව කියා සිටියේ අයවැය ඡන්ද විමසීමෙන් අනතුරුව මාධ්ය වෙත අදහස් දක්වමිනි.
ඒ ගැන වැඩිදුර පැහැදිලි කරනවා නම් අද පොල්දූව හන්දියේ උද්ඝෝෂණයේ සිටි රැකියා විරහිත උපාධිධාරීන්ගේ අපේක්ෂා සුන් වී ඇති බවත් වත්මන් රජයේ ප්රතිපත්ති ප්රකාශය අනුව 35000කට ආසන්න රැකියා විරහිත උපාධිධාරීන් මේ අයවැයෙන් රැකියා ලබා දේ යැයි අපේක්ෂාවෙන් සිටියත් එම පොරොන්දු ඉටු නොවූ බවත් කඩවුණු පොරොන්දු විශාල ප්රමාණයක් ඇති බවත් මේ ජනතාව දැවැන්ත අපේක්ෂා භංගත්වයකට පත්ව ඇති මොහොතක මේ රටට නව ගමනක් දර්ශනයක් හා වැඩපිළිවෙළක් අවශ්ය බවත් එය ජනතාව ආරක්ෂා කරන ජනතාව ජීවත් කරවන වැඩපිළිවෙළක් විය යුතු බවත් විපක්ෂ නායක සජිත් ප්රේමදාස මහතා පැවසීය.
