ආර්ථික අර්බුදය නිසා ශ්රී ලංකාවට මතුවිය හැකි බලපෑම ගැන දැඩි කනස්සල්ලෙන් පසුවන බව ශ්රී ලංකාවේ ලෝක බැංකු අධ්යක්ෂවරයා වන ෆාරිස් හඩඩ් සර්වෝස් (Faris Hadad – Zervos) සඳහන් කරනවා. කොළඹ පැවැති සමුළුවක් අමතමින් ඔහු කියා සිටියේ තත්වය තව දුරටත් උග්ර වුවහොත් ශ්රී ලාංකිකයන් වැඩි වශයෙන් රට හැර යනු ඇති බවයි.Sri Lanka Latest News
ආර්ථික අසීරුතාවන්ට මුහුණ දෙන පවුල් සිය දරුවන් පාසල්වලින් අස්කර ගනු ඇතැයි පවසන ශ්රී ලංකාවේ ලෝක බැංකු අධ්යක්ෂවරයා ව්යාපාර පවත්වාගෙන යෑමේ අරමුණින් තම වත්කම් විකුණා දැමීමට සමාගම්වලට සිදු ඇති බවයි.
ජාත්යන්තර මූල්ය අරමුදල වෙතින් දීර්ඝ කාලීන ණය පහසුකම් ලබා ගැනීමට හැකි වීම, දේශීය ණය ප්රතිව්යුහගත කිරීම සඳහා පාර්ලිමේන්තු අනුමැතිය ලබාගැනීම, ජාත්යන්තර මූල්ය සහාය, ලෝක බැංකුව හා ආසියානු සංවර්ධන බැංකු වෙතින් ආර්ථික සහය ලබා ගැනීමට සමත් වීම වැනි තත්වයන් ගැන ශ්රී ලංකා රජයට සුබ පතන බවයි ඔහු කියන්නේ.
යහපත් ප්රතිඵල බලාපොරොත්තු වෙන බලවත් ප්රතිසංස්කරණ ඇතුළත් න්යාය පත්රයකට අනුව අසීරු හා අත්යවශ්ය දැඩි ප්රතිසංස්කරණ කළ යුතු බවත් ඒ සදහා රජයේ කැපවීම ප්රශංසනීය බවත් ඔහු පවසනවා.
