ආර්.එෆ්.එම්.සුහෙල් – නුවරඑළිය
නොර්වුඩ් ප්රාදේශීය සභාවට අයත් බොගවන්තලාව නගරයේ සිට බොගවන්තලාව ක්වීනා වත්ත දක්වා දිවෙන කිලෝමීටර් තුනක මෙම මාර්ගය වසර 20ක් පමණ ප්රතිසංස්කරණය කර නොමැති අතර විශාල වළවල් සහිත මාර්ගයෙන් ප්රදේශවාසී ජනතාවට හා සංචාරකයන්ට ගමන් කිරීමට සිදුවී ඇති බව පාර්ශ්වයන් රැසක් මැසිවිලි නගති .Sri Lanka Latest News
මෙලෙස මාර්ගය අබලන්වීම හේතුවෙන් මෙම ප්රදේශයේ ජීවත්වන පාසල් දරුවන් වැඩිහිටියන් රෝගීන් සහ අත්යවශ්ය සේවාවන් සඳහා ගමන් කරන්නන් හට දැඩි අපහසුතාවයක් ඇති වී ඇති බව ප්රදේශවාසීන් චෝදනා කරති ,
පාසල් සහ හදිසි අවශ්යතා සඳහා ජනතාවට බොගවන්තලාව නගරයට පැමිණිය යුතු වන අතර මෙම මාර්ගය ප්රතිසංස්කරණය කිරීමට උඩරට දේශපාලනඥයන් බොහෝ වාරයක් පොරොන්දු වුවද, මෙම මාර්ගය සම්බන්ධයෙන් කිසිවෙකු පියවර ගෙන නොමැති බවද ප්රදේශවාසීන් කියති ,
මැතිවරණ සමයේදී පමණක් ඡන්දය එකතු කිරීමට පැමිණෙන සහ මැතිවරණයෙන් පසු එහි නොයන උඩරට දේශපාලනඥයින්ට ජනතාව සිය දැඩි අප්රසාදයද පළ කරති ,
බොගවන්තලාව සිට ක්වීනා වත්ත මාර්ගයේ හරිතකන්ද නමින් ලොව සුපතළ සංචාරක ස්ථානයක් ද පිහිටා තිබේ ,
මෙම සංචාරක ස්ථානයට දිනකට සියයකට අධික දේශීය හා විදේශීය සංචාරකයින් පිරිසක් පැමිණීම අවධානයට ලක්වේ ,
මෙම ප්රදේශයට පැමිණෙන සංචාරකයින් ද මෙම මාර්ගය හරහා ගමන් කරන විට විවිධ ගැටළු වලට මුහුණ දීමට සිදුවන අතර සංචාරකයින් පැමිණෙන වාහන අතරමග නතර කර පයින් යෑමට සිදුවන බවද සංචාරක මඟ පෙන්වන්නන් චෝදනා කරති.
බොගවන්තලාව සිට ක්වීනා වතුයාය දක්වා මාර්ගය අබලන් වී ඇති බැවින් තේ දළු රැගෙන නගුල් මත ගමන් කරන බොගවන්තලාව දකුණු ප්රදේශයට පැමිණෙති.
මෙම ප්රදේශයේ සවස් කාලයේ පමණක් පෞද්ගලික බස් සේවාවක් ක්රියාත්මක වන බවත් උදෑසන බොගවන්තලාව ශාන්ත මරියා ජාතික විද්යාලයට සහ ශුද්ධ රෝසරි විද්යාලයට වෙත යන පාසල් සිසුන්ට කිලෝමීටර් තුනක් පයින් යාමට සිදුවන බවත් ප්රදේශවාසීන් පවසති.
හරිතකන්ද ප්රදේශයට සංචාරකයින් ගලා ආවත් පොරොන්දු පමණක් ලබා දෙමින් මෙම ජනතාවගේ තත්ත්වය සැලකිල්ලට ගෙන වසර 20 ක් තිස්සේ ප්රතිසංස්කරණය කර නොමැති මාර්ගය ප්රතිසංස්කරණය කරන ලෙස ප්රදේශයේ ජනතාව වත්මන් ජාතික ජන බලවේග රජයෙන් ඉල්ලා සිටිති.
