කාලගුණ දත්ත මත පිහිටා අනාවැකි කියන කපිල පෙරේරා මහතා විසින් මේ වනවිට නවතම අනාවැකියක් පළ කොට තිබේ. Sri Lanka Latest News
එහිදී ඔහු සදහන් කරන්නේ මෙම 18 වැනි දින සිට දීර්ඝ නියං කාලයකට රටට මුහුණ දීමට සිදුවන බවකි.
එය වැහි පිරිත කියන තැන දක්වාම බරපතළ විය හැකි බවද හෙතෙම පෙන්වා දෙයි.
පසුගිය කාලයේ ඇතිවූ ‘බුරවි’ සුළි කුණාටුව සහ ‘ෆෙන්ගල්’ සුළි කුණාටුව පිළිබදව කපිල පෙරේරා ඉතා නිවැරදිව අනාවැකි පළ කොට තිබිණ.
‘මම කාලගුණ අනාවැකි කියන්නෙ අන්තර්ජාල යෙදුම් කිහිපයකින් ලැබෙන දත්ත, වලාකුළු රටා, පසුකාලීන කාලගුණ තොරතුරු විශ්ලේෂණය කරලා. පහුගිය දිනවල සහ මේ දිනවල කාලගුණ දත්ත මත මට පැහැදිලි වෙන ආකාරයට මේ මාසෙ 18 – 20 වැනිදට පස්සෙ වැහි පිරිත් කියන්න වෙන තරමට දැඩි නියං තත්ත්වයක් ඇති වෙන්න ඉඩ තියෙනවා. 2023 අවුරුද්දෙ වැස්ස ඉල්ලගෙන වැහි පිරිත් කියන්න සතියකට පෙර මම කිව්වා, ගංවතුරක් යන තත්ත්වයට වැස්ස වහිනවා කියලා. වැස්ස පටන් ගන්න දිනය කියලා ෆේස්බුක් සටහනකුත් තිබ්බා. කිව්ව විදිහටම වැව් උතුරන්න වැස්සා. ඒ වගේම 2018 අවුරුද්දට පෙර කාලයේදී ට ක්කෙටම කාලගුණ අනාවැකි කියන්න පුළුවන්. දැන් ඒ තත්ත්වය ටිකක් වෙනස් වෙලා. ඒක අපේ රටට විතරක් නෙමෙයි, ලෝකයටම බලපාලා තියෙනවා. විශාල වශයෙන් ලෝකයේ විපර්යාසයන් සිදුවෙමින් තියෙනවා. ජලය වාෂ්ප වෙන්නෙ රස්නයෙන් නොව, සූර්ය ශක්තියේ තියෙන ආලෝක කදම්බයකින් බව විද්යාඥයන් සොයාගෙන තියෙනවා. එවැනි සොයාගැනීම් අනාගතයේදී ලෝකයේ විශාල පරිවර්තනයකට හේතු විය හැකි බවටත් විද්වතුන් මත පළ කරනවා…” යැයි දිවයින පුවත්පත සමග කළ සම්මුඛ සාකච්ඡාවකදී හෙතෙම සදහන් කොට ඇත.
