අපි මේ කතාකරන්නේ සුවිශේෂ තරුණයෙක් ගැන. ඔහුගේ නම ශෙහාන් තේනබදු. ලංකාවේ අපිට ආඩම්බරෙන් කතාකරන්න පුළුවන් ආදර්ශවත් තරුණයෙක්. ශෙහාන් මාතර කොල්ලෙක්. වෙන විදියකින් කිව්වොත් ෂේන් වෝන්ගේ නිවස පිරිසිදු කරපු මාතර ශෙහාන් මේ වෙනකොට ඔස්ටේ්රලියාවේ මිලියනපතියෙක්. ශෙහාන්ට වයස අවුරුදු 27යි. ඔහුට ලැම්බෝගිනි 4ක් තිබෙනවා. ඔහු සතු වාහන එකතුවේ වාහන 24ක් තිබෙනවා. ඔබ දන්නවද ශෙහාන්ගේ අත් ඔරලෝසු එකතුවේ වටිනාම ඔරලෝසුව ඩොලර් ලක්ෂ හතරහමාරයි. ඒ වගේම ශෙහාන් තමයි මෙල්බර්න් නුවර ලැම්බෝගිනි ක්ලබ් එකේ ඉන්න එකම ශ්රී ලාංකිකයා. (Sri Lanka Latest News)
ශෙහාන්ගේ උපන් ගම මාතර. ඔහුගේ තාත්තත් මෙරට ප්රසිද්ධ වාහන ව්යාපාරිකයෙක්. මාතර රාහුල විද්යාලයෙන් අධ්යාපනය ආරම්භ කරන ශෙහාන් සාමාන්ය පෙළ විභාගය ඉහළින්ම සමත් වෙනවා. ඔහු උසස් පෙළ විභාගය සමත් වුණත් විශ්වවිද්යාල අධ්යාපනය ලබන්න ශෙහාන්ට නොහැකි වෙනවා. අවසානයේ පාසල් අධ්යාපනයට තිත තබන ඔහු, ඔස්ටේ්රලියාවට යෑමට සූදානම් වෙනවා. එහි ප්රතිඵලයක් ලෙස 2017 වසරේදී ඔහු ඔස්ටේ්රලියාවට පිටත්ව ගොස් තිබුණා. මේ තමයි ශෙහාන් එයා ගැන කියපු කතාව.
‘මම ඔස්ටේ්රලියාවට යනවට තාත්තා කැමැති වුණේ නෑ. තාත්තා උත්සාහ කළේ එයාගේ ව්යාපාරවලට මාව සම්බන්ධ කර ගන්න. ඒත් මට ඕනෙ වුණේ තනියම නැගිටින්න. ඒ වගේම නිදහසේ ජීවත් වෙන්න. නැවත උසස් පෙළ විභාගය කරන්නෙ නැතිව ඔස්ටේ්රලියාවට යන්න තීරණය කළේම නිදහසේ ස්වශක්තියෙන් නැගිටින්න හිතාගෙන. ඔස්ටේ්රලියාවට යන්න පිටත් වෙන අවස්ථාවේ තාත්තා මට ඩොලර් 5000ක් දුන්නා. ඒ මුදල්වලින් මෙල්බර්න් නුවරින් කුලී නිවසක් ගත්තා. සාමාන්ය කාර් එකක් මිලදී ගත්තා. මම ඔස්ටේ්රලියාවට ඇවිත් දෙවැනි දවසෙම ජොබ් එකකටත් සෙට් වුණා. මහ ලොකු රස්සාවක් නෙමෙයි, ගෙවල් පිරිසිදු කරන රස්සාවක්. හා හා පුරා කියලා මුලින්ම ක්ලීන් කළේ ෂේන් වෝන්ගේ නිවස. විශාල නිවසක්. ඒ දවස්වල ඔස්ටේ්රලියාවේ වැඩිම මිල නියම වෙලා තිබුණු නිවස. අපි ගෙදරට යනකොටම ෂේන් වෝන් ගෙදරින් එළියට ගියා. කතා කරන්න අවස්ථාවක් ලැබුණේ නෑ. ඒ වනවිට මෙල්බර්න් නුවර මිලෙන් අධිකම නිවාස දෙකම ක්ලීන් කරන්න මට අවස්ථාව ලැබුණා. එතකොට මට ගෙව්වෙ පැයට ඩොලර් 10යි. ඒ මුදලට මාස දෙකක් වැඩ කළා. ඊට පස්සෙ පැයට ඩොලර් 18ක් දක්වා වැඩි කරගත්තා. රැයක් දහවලක් නැතිව නිවාස, ඔෆිස් ක්ලීන් කළා. සිකුරාදා උදේ වැඩට ගිහින් නැවත ගෙදරට ආවේ ඉරිදා රෑ. පැයක් දෙකක් නිදාගත්තෙ වාහනේ. එක දවසෙ ගෙවල්, ඔෆිස් හතර පහ ක්ලීන් කරලා තියෙනවා. මාස හත අටක් ක්ලීනින් කොම්පැනිවල වැඩ කළා. ඊට පස්සෙ මම ක්ලීනින් කොම්පැනියක් පටන් ගත්තා. මගේ යටතේ දාහතර දෙනෙක් වැඩ කළා…’ මේ තමයි ඔස්ටේ්රලියාවට ගිහිල්ලා මාස 8කින් ශෙහාන් ගහපු ගේම.
අවසානයේ පියාගේ අඩිපාරේ යමින් පැරැණි වාහන මිලදී ගෙන ඒවා අලුත්වැඩියා කර විකිණීමේ ව්යාපාරයක් ඔහු පටන් ගත්තා. ඒ, නිවාස පිරිසිදු කර දුක් මහන්සියෙන් හරිහම්බ කරගත් මුදල්වලින් බෙන්ස් රථයක් මිලදී ගෙන අලුත්වැඩියා කර වැඩි මුදලකට අලෙවි කරමින්. ක්ලීනින් කම්පැනි එක ආරම්භ කළ පසු ශෙහාන් පෙරටත් වඩා මහන්සි වෙලා වැඩකරලා තිබෙනවා. බොහෝ දවස්වල ඔහුගේ නිදන ඇඳ බවට පත්වෙලා තියෙන්නේ පුංචි මෝටර් රථයේ පිටුපස අසුනයි. කටුක මාවතක ගමන් කරමින් ඔස්ටේ්රලියානු ජාතිකයන්ගේ සිතුම් පැතුම් හඳුනාගෙන ඔවුන්ගේ ආදරය දිනාගනිමින් තම ව්යාපාරය වේගයෙන් දියුණු කරගන්න ඔහු සමත් වෙලා තියෙනවා.
2018 වසරේ අවසානභාගයේ සිට ඔහු තොරතුරු තාක්ෂණය සහ ඔන්ලයින් බිස්නස් ගැන පුළුල්ව අධ්යයනය කරමින් විවිධ අත්හදා බැලීම් සිදුකරලා තිබෙනවා. මේ වෙනකොට ශෙහාන් රටවල් කිහිපයකම ඔන්ලයින් බිස්නස් පවත්වාගෙන යනවා. ඒ රටවල් අතරට ලංකාවත් අයිතියි. මේ වෙනකොට ශෙහාන් සතුව වාහන එකතුවක් තියෙනවා. ඒ වාහන එකතුව 24ක්. ලැම්බෝගිනි වර්ගයේ මෝටර් රථ 4කුත් ඒ අතර තියෙනවා. ඔස්ටේ්රලියාව වගේ රටකත් ලැම්බෝගිනි වර්ගයේ මෝටර් රථ හිමිකරුවන් බොහොම විරලයි. මෙල්බර්න් නුවර ඒ නිසාම ලැම්බෝගිනි ක්ලබ් එකක් පිහිටුවලා තිබෙනවා. ඒ ක්ලබ් එකේ සිටින එකම ශ්රී ලාංකිකයත් අපේ ශෙහාන්. ඔහු පදවන අලුත්ම මාදිලියේ ලැම්බෝගිනි මෝටර් රථ ලෝකයේ ඇත්තේ 600ක් පමණයි. ඒ අතරින් ඔස්ටේ්රලියාවේ 24ක් ලියාපදිංචි වී තිබෙන බවත් ශෙහාන් පවසා තිබෙනවා.
ඒ වගේම ශෙහාන් සතුව අත් ඔරලෝසු 20ක් තිබෙනවා. ඒ එකතුවේ ඇති වටිනාම ඔරලෝසුවේ මිල ඩොලර් ලක්ෂ හතරහමාරක් වෙනවා. එම මිල ලැම්බෝගිනි මෝටර් රථයක මිලට සමානයි. මෙල්බර්න් නුවර නවීන මාදිලියේ සුපිරි නිවෙසක ජීවත් වෙන ශෙහාන් යටතේ ඔන්ලයින් බිස්නස් කරන ලොව පුරා ජාලයද අතිවිශාලයි. ඉදිරියේදී ලංකාවෙත් ඔන්ලයින් බිස්නස් කීපයක් ආරම්භ කරන්නත් ශෙහාන් දැනටමත් සැලසුම් හදමින් ඉන්නවා.
ශෙහාන් අද කොයි තරම් ලොකු තැනක හිටියත් ඔහුට අදටත් මුල මතකයි. ශෙහාන් අපට, අපේ රටට මහත් අභිමානයක්.
NewsCenter ෆේස්බුක් පිටුවෙනි
