රහස් පොලිසිය භාරයේ රඳවාගෙන ප්රශ්න කළ මහා පරිමාණ මත්කුඩු ජාවාරම්කරුවකු හා සංවිධානාත්මක අපරාධකරුවකු බව කියන හරක් කටා නමැත්තාට රහස් පොලිස් අත්අඩංගුවෙන් පැන යෑම සඳහා උදව් කළයැ කියන සිද්ධියට අදාළව අපරාධ පරීකෂණ දෙපාර්තමේන්තුව විමර්ශන පවත්වන ආකාරය පිළිබඳ දැඩි දෝෂදර්ශනයට ලක්කළ කොටුව මහෙස්ත්රාත් තිළිණ ගමගේ මහතා, එක එක අයගේ වුවමනා අනුව රහස් පොලිසිය විමර්ශණ කරන්නේ නම් ඒ බව රටට දැනගැනීම සඳහා විවෘත අධිකරණයේ ප්රකාශයක් කරන බවද ඊයේ (14) පැවැසීය. (Sri Lanka Latest News)
රහස් පොලිසිය භාරව කටයුතු කළ එහි උසස්ම නිලධාරීන් තිදෙනකුගේ බැංකු ගිණුම් හා ජංගම දුරකතන වාර්තා ලබාගෙන මෙම අපරාධයට ඔවුන්ගේ ඇති සම්බන්ධාව පිළිබඳ කරුණු ලබන 28 වැනිදාට පෙර අධිකරණයට වාර්තා කරන ලෙසද මහෙස්ත්රාත්වරයා රහස් පොලිසියට නියම කළේය.
රහස් පොලිසිය භාරයේ රඳවාගෙන ප්රශ්න කළ මහා පරිමාණ මත්කුඩු ජාවාරම්කරුවකු සහ සංවිධානාත්මක අපරාධකරුවකු බව කියන නදුන් චින්තක වික්රමරත්න හෙවත් හරක් කටා නමැත්තාට රහස් පොලිස් අත්අඩංගුවෙන් පැන යෑමට රහස් පොලිසියේම නිලධාරීන් උදව් කළා යැයි කියන සිද්ධියට අදාළ පැමිණෂිල්ල කැඳවනු ලැබූ අවස්ථාවේදී අධිකරණයේ පෙනී සිටි රහස් පොලිස් නිලධාරීන් ඇමතූ මහෙස්ත්රාත්වරයා මෙම අපරාධයට සම්බන්ධිත රහස් පොලිස් නිලධාරීන්ට අදාළ විමර්ශණ වාර්තා කෝ යනුවෙන් ප්රශ්න කළේය.
රහස් පොලිසිය භාරයේම රඳවාගෙන ප්රශ්න කරන අපරාධකරුවකු පොලිස් අත්අඩංගුවෙන් පැන්නීමට රහස් පොලිසියේ ඉහළ නිලධාරීන් තිදෙනකු සහ එහි විවිධ තරාතිරම්වල තවත් නිලධෘරීන් 34 දෙනකු සම්බන්ධ බවට තොරතුරු හෙළිව තිබෙනවා නේද යනුවෙන් වැඩිදුරටත් රහස් පොලිස් නිලධාරීන්ගෙන් ප්රශ්න කළ මහෙස්ත්රාත්වරයා ඔවුන්ට අදාළ විම8ර්ශන වාර්තා කෝ යනුවෙන් ද ප්රශ්න කළේය.
මහෙස්ත්රාත්වරයාගේ මෙම ප්රශ්නවලට පිළිතුරු දීගත නොහැකි වූ රහස් පොලිස් නිලධාරීහු නිරුත්තරව අධිකරණය දෙස නෙත් යොමාගෙන සිටියහ.
එක එක අයට ඕනෙ විදියට රහස් පොලිසිය අපරාධ සිද්ධීන් සම්බන්ධයෙන් විමර්ශන කරන්නේ නම් රහස් පොලිසියේ ඇත්ත තත්ත්වය රටට දැනගැනීම සඳහා විවෘත අධිකරණයේ ප්රකාශයක් කරන බවද මහෙස්ත්රාත්වරයා පැවැසීය.
මෙම සිද්ධිය සම්බන්ධයෙන් විමර්ශණ කළ යුතු ආකාරය පිළිබඳ රහස් පොලිසිය භාර අධ්යක්ෂවරයාට උපදෙස් දී ඇතැයි අවධාරණ්ය කළ මහෙස්ත්රාත්වරයා රහස් පොලිසිය භාර අධ්යක්ෂවරයාගෙන් උපදෙස් ලබාගෙන මෙම සිද්ධිය සම්බන්ධයෙන් විමර්ශන කරන ආකාරය පිළිබඳ අධිකරණයට දැනුම් දෙන්නැයි කියමින් නඩුව පසුවට කල් තැබීය.
ඒ අවස්ථාවේ අධිකරණයෙන් ඉවත්ව ගිය රහස් පොලිස් නිලධෘරීහු පැය කිහිපයකට පසු යළි අධිකරණයට පැමිණ රහස් පොලිසිය භාරයේ රඳවාගෙන ප්රශ්න කළ හරක් කටා නමැත්තා රහස් පොලිස් අත්අඩංගුවෙන් පැන්නීමට කටයතු කර ඇති බටව තොරතුරු හෙළිව ඇති රහස් පොලිසියේ විවිධ තරාතිරම්වල නිලධෘරින් 34 දෙනකුගේ ජංගුම දුරකතන වාර්තා සහ බැංකු වාර්තා ලබාගෙන විමර්ශණ කරන්නේ යැයි දැනුම් දුන්හ.
හරක් කටා නමැත්තා රහස් පොලිස් අත්අඩංගුවෙන් පැන්නීමට කටයුතු කළැයි තොරතුරු හෙළිව ඇති රහස් පොලිසියේ ඉහළම නිලධෘරින් තිදෙනා සම්බන්ධයෙන් පොලිස්පතිවරයාගේ උපදෙස් මත විමර්ශන කරන්නේ යැයි කී රහස් පොලිස් නිලධාරීහු ඔවුන්ගේ ජංගම දුරකතන වාර්තා සහා බැංකු වාර්තා ලබාගෙන මෙම විමර්ශන කිරීමට මාසයක කාලයක් දෙන්නයැ ඉල්ලා සිටියහ.
මේ අවස්ථාවේදී අධිකරණය ඇමතූ මහෙස්ත්රාත්වරයා අධීකරණ නියෝගයන්ට අවනත නොවන යම් නිලධාරීන් ඇත්නම් ඔවුන් සම්බන්ධයෙන් අධිකරණයට වාර්තා කරන ලෙසත්, එවිට ඔවුන් සම්බන්ධයෙන් ගත යුතු පියවර ගැනීමට තමන් පසුබට නොවන බවත් දැනුම් දුන්නේය.
මෙම විමර්ශන කිරීමට මාසයක කාලයක් දීමට නොහැකි බව අවධාරණය කළ මහෙස්ත්රඍාත්වරයා ලබන 28 වැනිදා වන විට මෙම අපරාධය සම්බන්ධයෙන් කරන විමර්ශනවල ප්රගතිය අධිකරණයට වාර්තා කිරීඹට රහස් පොලිසියට නියම කළේය.
lankadeepa
