ශ්රී ලංකා රාමඤ්ඤ මහා නිකායෙන් විපක්ෂ නායක සජිත් ප්රේමදාස මහතා වෙත හෙට (11) ශාසන කීර්ති දේශාභිමානී ශ්රී ලංකා ජනරංජන ගෞරව නාමය පිරිනමනු ලැබේ.
මීට පෙර “ජන රංජන” ගෞරව නාමය පටබැද තිබුණේ දිවංගත අගමැති ඩඩ්ලි සේනානායක මහතාට වන අතර විපක්ෂ නායක සජිත් ප්රේමදාස මහතාට ත්රෛනිකායික මහා මහා සංඝරත්නය විසින් අදාළ ගෞරව නාමය පිළිගන්නවා තිබේ.
සමාජ සංස්කෘතික සහ ආගමික වශයෙන් විපක්ෂ නායක සජිත් ප්රේමදාස මහතා විසින් ඉටු කරන අනවරත මෙහෙවර පිළිබඳව විශේෂයෙන් ප්රසාදයට පත්ව එකී මෙහෙවර ඇගයීම පිණිස ශ්රී ලංකා රාමඤ්ඤ නිකායේ මගින් අදාළ ගෞරව නාමය විපක්ෂ නායකතුමන් වෙත පිරිනමනු ලැබේ.
පාර්ලිමේන්තු මන්ත්රීවරයෙකු ,නියෝජ්ය ඇමතිවරයෙකු,ඇමතිවරයෙකු , සහ විපක්ෂ නායකවරයා ලෙස වර්තමානයේ දී සජිත් ප්රේමදාස මහතා වෙතින් ඉටුවන මෙහෙවර පිළිබඳව එහිදී විශේෂ සැලකිල්ලට භාජනය කොට තිබේ.
පසුගිය රජය සමයේ ඉතා කෙටි කලක් සංස්කෘතික අමාත්යවරයා ලෙසද කටයුතු කළ විපක්ෂ නායක සජිත් ප්රේමදාස මහතා ඒ වකවානුව තුළ ආගමික සහ සංස්කෘතික වශයෙන් අතිශයින් වැදගත් වන කටයුතු රැසක් ම ඉටු කරනු ලැබීය.
සසුනට අරුණ , සිසු දහම් සෙවන, විපක්ෂයෙන් හුස්මක් ,සක්වල වැනි වැඩසටහන් හරහා විශාල මෙහෙවරක් ඉටු කරමින් සිටින සජිත් ප්රේමදාස මහතා මීට පෙර ශ්යාමෝපාලී මහා නිකායේ මල්වතු පාර්ශවයෙන් ශාසන දීපන අභිමානි ශ්රී ලංකා ජනරංජන’ ගෞරව නාමයෙන් ද පිදුම් ලැබීය.
එය අස්ගිරි පාර්ශවය විසින් අනුමත කිරීමටද පියවර ගෙන තිබිණ.
