මාධ්යවේදීන් නිහඬ කරන විට, “අප සැමට අපගේ හඬ අහිමි වන” බව එක්සත් ජාතීන්ගේ මහලේකම් ඇන්ටෝනියෝ ගුටරෙස් පවසනවා.Sri Lanka Latest News
ඔහු පෙන්වාදෙන්නේ, මාධ්යවේදීන්ට බියකින් තොරව සත්යය කතා කිරීමේ නිදහස සහතික කිරීම සඳහා මාධ්ය නිදහස ආරක්ෂා කිරීමට සහ වගවීම ඉල්ලා සිටීමට ලෝකයම එක්විය යුතු බවයි.
මාධ්යවේදීන්ට එරෙහි අපරාධවලට දඬුවම් නොලබා සිටීම අවසන් කරන ලෙසට ජගත් මහලේකම්වරයා ඉල්ලා සිටියේ ඊයේ (02) දිනට යෙදී තිබූ මාධ්යවේදීන්ට එරෙහි අපරාධවලට දඬුවම් නොදී සිටීම අවසන් කිරීමේ ජාත්යන්තර දිනය වෙනුවෙන් විසින් පණිවුඩයක් නිකුත් කරමින්.
අසාධාරණයට පත්වන මාධ්යවේදීන් වෙනුවෙන් යුක්තිය ඉටු කරන ලෙසට ද ඔහු රාජ්යයන්ගෙන් ඉල්ලීමක් කරනවා.
සත්යය සොයා යෑමේදී ලොව පුරා මාධ්ය වෘත්තිකයින් වැඩිවන අන්තරායන්ට මුහුණ දෙන බව ඔහු ප්රකාශ කරනවා.
මෙම අන්තරායන් අතරට නීතිමය තර්ජන, වාචික අපයෝජනය, ශාරීරික ප්රහාර, සිරගත කිරීම්, සහ වධහිංසා ඇතුළත් වන අතර, සමහර මාධ්යවේදීන් ඝාතනයට පවා ලක්ව ඇති බව ඔහුගේ නිවේදනයේ සඳහන්.
ලොව පුරා සිදුවන මාධ්යවේදී ඝාතන 10න් 9කට යුක්තිය ඉටුවී නැති බව මහලේකම්වරයා අවධාරණය කරනවා.
ලෝක ව්යාප්තව, මාධ්යවේදීන් ඝාතනය කිරීම් දහයෙන් නවයකට ආසන්න ප්රමාණයක් විසඳා නොමැති බව ඔහු සිහිපත් කළා.
ගැටුමකදී මාධ්යවේදීන්ට වඩාත්ම මාරාන්තිකම ස්ථානය බවට ගාසා තීරය පත්ව ඇති බවයි ඔහු පෙන්වාදෙන්නේ.
ගාසා තීරය සම්බන්ධයෙන් ස්වාධීන සහ අපක්ෂපාතී විමර්ශන සිදුකරන ලෙසට ද ගුටරෙස් නැවත වරක් ඉල්ලා සිටිනවා.
මාධ්යවේදීන්ට එරෙහිව ප්රචණ්ඩත්වය ඇතිකරන්නන්ට දඬුවම් නොලැබීම ප්රජාතන්ත්රවාදයට තර්ජනයක් බව ද මහලේකම්වරයා අවධාරණය කරනවා.
ඕනෑම තැනක අපරාධවලට දඬුවම් නොලබා සිටීම යනු වින්දිතයන්ට සහ ඔවුන්ගේ පවුල්වලට සිදුවන අසාධාරණයක් පමණක් නොවෙයි, එය මාධ්ය නිදහසට එල්ල කරන ප්රහාරයක්, තවදුරටත් ප්රචණ්ඩත්වය සඳහා ආරාධනාවක් මෙන්ම ප්රජාතන්ත්රවාදයටම තර්ජනයක් බවටයි ඔහු පෙන්වා දෙන්නේ.
මහලේකම්වරයා රජයන්ගෙන් ඉල්ලා සිටින්නේ, සියලුම රජයන් සෑම සිද්ධියක්ම විමර්ශනය කළ යුතු බවයි.
එමෙන්ම සෑම වැරදිකරුවෙකුටම නඩු පැවරිය යුතු බවත් මාධ්යවේදීන්ට සෑම තැනකම නිදහසේ තම රාජකාරි කිරීමට හැකි බව සහතික කළ යුතු බවත් ඔහු අවධාරණය කරනවා.
කාන්තා මාධ්යවේදිනියන් ඉලක්ක කරගත් මාර්ගගත (Online) අපයෝජන භයානක ලෙස ඉහළ යෑමට ද අප මුහුණ දිය යුතු බව ගුටරෙස් පෙන්වා දෙනවා.
මෙම අපයෝජන බොහෝ දුරට දඬුවම් නොලබා පවතින අතර, නිතරම සැබෑ ලෝකයේ හානියට මඟ පාදන බව ඔහු පවසනවා.
ප්රවෘත්ති රැස්කර වාර්තා කරන අය සඳහා ඩිජිටල් අවකාශයන් ආරක්ෂිත කළ යුතු බව ද ඔහු සිය නිවේදනයේ සඳහන් කළා.
