සජිත්ට රටේ මිනිසුන්ගේ ඕනෑම ප්රශ්නයකට ක්ෂණික ප්රායෝගික පිළිතුරු දෙන්න පුළුවන්. ඔහුගේ උත්තර ක්ෂණික වුණත් ඔහුගේ උත්තරවල කෙටිකාලීන මෙන්ම දිගුකාලීන විසඳුම් අන්තර්ගත වීම ඔහුගේ විශේෂත්වයයි. ඉතින් මට හිතෙන්නෙ සජිත් නූතන ශ්රී ලංකාවෙ ප්රශ්නවලට උත්තර දෙන ට්රාන්ස්ෆෝර්මර් රොබෝවරයෙක්. ඉතින් සජිත්ට බේත් පෙත්තක්, බත් මුට්ටියක්, බස් එකක්, පෑඩ් එකක්, කොම්පියුටරයක් වගේම සුහුරු පන්තියක් වුණත් වෙන්න පුළුවන්.
පවතින ආර්ථික අර්බුදය හා ගංවතුර ඛේදවාචකය හමුවේ ජනතාවගේ සෞඛ්යය පහළ ගොස් ඇත. වර්තමාන ඖෂධ හිඟය නිසා එය තීව්රවී ඇත. ජනාධිපතිවරණයට පෙර මෙන්ම වර්තමානයෙත් විපක්ෂ නායකයා ලෙස සජිත් ‘හුස්ම’ හරහා රෝගීන්ට බෙහෙත් පෙත්තක් හෝ වෛද්ය උපකරණයක් වී හමාරය.
ජනාධිපතිවරණයට පෙර ‘සක්වල’ හරහා දුප්පත් දරුවන්ට පරිගණකයක් හෝ බසයක් බවට ඔහු පත්වූයේය.
ඡන්දයට පෙර පක්ෂ අරමුදලෙන් මිහින්තලයට ලයිට් දී ලුණුගම්වෙහෙර මඩ ඉවත්කිරීමටද ඔහු දායක විය. ඉතින් සජිත් බත් මුට්ටියක් වී හෝ බඩගින්නෙන් පෙළෙන එවුන්ට පිහිට වෙනවා කිව්වේ ඇයි කියලා දැන් ඔප්පු වෙනවා.
සජිත් ගංවතුරෙන් අවතැන් වූ සෑම ප්රදේශයකටම යනවා. ඒ යන්නේ ආධාරත් රැගෙනයි. සජිත් රෑට ජනේලෙන් ඇවිත් එබිකම් කරාවි යැයි සජිත්ට විහිළු කළ අයට සජිත් එනකන් බලා ඉන්න වෙලා.
ගංවතුර අර්බුදය නිසා ආණ්ඩුවට කරකියාගත නොහැකිව තුෂ්ණිම්භූතව සිටිද්දි සජිත් මෙරට නිල නොලත් විදේශ ඇමැතිවරයා වුණා. රටවල් ගණනාවක තානාපතිවරුන් හමුවූ ඔහු ජනතාව වෙනුවෙන් ලංකා ආණ්ඩුවට උදව් කරන මෙන් ඉල්ලා සිටියේය. ඒ ඉල්ලීම්වල ප්රතිඵල අද ජනතාවට ලැබෙනව. සජිත්ගේ උදවු ජනපති පාර්ලිමේන්තුවේදී එපා කීවත් සජිත් ජනතාව වෙනුවෙන් ඉදිරිපත් වෙන එක නතර නොකරාවි.
ඡන්දයට පෙර සජිත්ගෙ සමාජ ශුභසාධනයට සහනාධාර ආර්ථිකයක් ලෙස මඩගැසූ මාලිමාවට දැන් සමාජ ශුභසාධනයට සල්ලි යොදවන්න වෙලා. ඒ මදිවට දැන් ආණ්ඩුව සජිත්ගේ සංකල්ප එලෙසම ක්රියාත්මක කරන්න පටන් අරන්. සජිත් විපක්ෂයක කාර්යභාරය හුදු විවේචනය පමණක් නොවන බව මේ රටේ දේශපාලකයන්ට හා ජනතාවට ප්රායෝගිකව උගන්වලා තියෙනවා. ඉතින් නිරුත්තර රටේ විකල්පය සජිත් හා සජිත්ගෙ කණ්ඩායම පමණයි.
අසංක වැලිගමගේ
