ලෝකයේ බොහෝ රටවල් IMF එකත් සමඟ ගනුදෙනු කළ නමුත් එම රටවල් පවා සිය රටේ දේශීය ණය ප්රතිව්යූහගත කිරිම් සිදු කිරීමේ දී කිසිදු අවස්ථාවක වැඩ කරන ජනතාවගේ අර්ථ සාධක අරමුදල්වලට හානියක් නොකළ බවත් වැඩ කරන ජනතාවගේ අර්ථ සාධක අරමුදල්වලට බලපෑම් කරමින් දේශීය ණය ප්රතිව්යුහගත කළ එකම රට ලෙස අප රට වාර්තාවක් තබා ඇති බවත් විපක්ෂ නායකවරයා පැවසීය.Sri Lanka Latest News
දේශීය ණය ප්රතිව්යුහගත කිරීම හරහා අපේ රටේ ව්යාපාරිකයන්ට, සුපිරි කොටිපතියන්ට, ධනවතුන්ට, බැංකුවලට සහන ලබා දෙමින් වැඩ කරන ජනතාවගේ ඉතිරි කිරීම් හා අරමුදල් පික්පොකට් ගැසූ මේ ආණ්ඩුව දැන් ඒ කිසිවක් නොකළ බව පවසන බවත් මේවා විහිළු කතා බවත් පැවසූ විපක්ෂ නායකවරයා කියා සිටියේ විපක්ෂයක් ලෙස සැවොම වැඩ කරන හා සාමාන්ය ජනතාව වෙනුවෙන් නැගී සිටින බව යි.
විපක්ෂ නායකවරයා මේ බව කියා සිටියේ අද (6) පාර්ලිමේන්තුවේ දී වැඩ කරන ජනතාවගේ අර්ථ සාධක අරමුදල් සම්බන්ධයෙන් අදහස් කරමිනි.
