මහජන ආරක්ෂාව තහවුරු කරන කුළුණුවලින් එකක් වන පොලිසිය සහ අධිරණය අද වන විට භයානක තර්ජනයකට මුහුණ දී ඇති බවත් අධිකරණ ශාලාවේ සැකකරුවන් ඝාතනය කිරීම, අධිකරණය හා විනිසුරුවන් ගාන ඇති බිය සැකය ගරුත්වය සම්පූර්ණයෙන්ම නැතිවි ඇති බවත් උසාවි කූඩුවේ වෙඩි තියන විට විනිසුරුවන්ට ඇතිවන කම්පනය කිව නොහැකි බවත් මෙවැනි දෙයක් නැවත සිදු නොවේ කියා රටටත් ජනතාවටත් විනිසුරුවරුන්ටත් රජයට දිය හැකි සහතිකය කුමක්ද කියා ප්රශ්න කරන බවත් විපක්ෂ නායකවරයා පැවසීය.Sri Lanka Latest News
විපක්ෂ නායක සජිත් ප්රේමදාස මහතා බව කියා සිටියේ අද පාර්ලිමේන්තුවේ දී රටේ නීතිය හා සාමය බිදවැටි ඝාතන රැල්ලක් ඇතිවීම සම්බන්ධයෙන් සිය අදහස් පළ කරමිනි.
මේ මොහොත වන විට අධිකරණය තුළ සිදුවූ මිනිමැරුම ඝාතන සැලසුම සකස් කළ කාන්තාව මෙන්ම එවක පොලිස්පති උසාවි නියෝගයෙන් බේරෙන්න හැංගී සිටින බවත් පොලිසියේ අයට පවා ඔහුව සොයා ගත නොහැකි වි ඇති බවත් මුළු රටේම මහජන ආරක්ෂාව අවුල් ගොස් ඇති බවත් ඊයේ (13) දින ද බූස්ස බන්ධනාගාරයේ හිටපු බන්ධනාගාර අධිකාරිවරයා මිලේච්ඡ ලෙස ඝාතනය කිරිමත් ගම්පහ වැලිවේරියේ වෙඩි තැබීම් ගණනාවක් සිදුව ඇති බවත් අගුණුකොලපැලැස්සේ තරුණයකුගේ මරණයක් හමුවීම, මීගහකිවුල, තල්දෙන, මූතුර් වැනි ප්රදේශ වල මිනිස් ඝාතන සිදුවන බවත් විපක්ෂ නායකවරයා පැවසීය.
අද අපේ රට තුන්බිය රජවුණ විශාලා මහනුවරක් වෙලා
මෙවැනි තත්ත්වයක් තුළ මහජන ආරක්ෂාව පහත වැටි ඇති බවත් රජය මෙහි වගකීම බාර ගත යුතු බවත් අද වන විට රටේ තුන්බිය රජවන විශාලා මහනුවරක් නිර්මාණය වී ඇති බවත් මහපාරේ මිලේච්ඡත්වය ප්රචණ්ඩත්වය මැරකම් කල්ලි ත්රස්තවාදය සමාජයම වෙලාගෙන ඇති බවත් මේවා මැඩපවත්වන්න කාගෙන් හරි ටියුෂන් අරන් මේ ඝාතන රැල්ල මිලේච්ඡත්වය නතර කරන්න රජය පියවර ගත යුතු බවත් විපක්ෂ නායක සජිත් ප්රේමදාස මහතා පැවසීය.
හිටපු පොලිස්පතිවත් අත්අඩංගුවට ගන්න බැරිව මොන නීතියේ ආධිපත්යයක්ද?
හිරගෙවල් බන්ධනාගාර නිලධාරීන්ට විශ්රාම ගිය පසුත් තර්ජන එල්ල වෙනවා නම් ඔවුන් රාජකාරී කරන්නේ කෙසේද කියා ගැටලුවක් ඇති බවත් එම නිසා මෙම මිලේච්ඡ මිනිමරු සංස්කෘතිය නතර කරන්න ජාතික වැඩපිළිවෙළක් අවශ්ය බවත් ඒ සදහා විපක්ෂයේ උපරිම සහයෝගය ලබා දෙන බවත් හිටපු පොලිස්පතිව හොයාගන්න බැරි නම් නීතියේ ආධිපත්ය රජ කරන්නේ කෙසේද කියා ගැටලුවක් ඇති බවත් එම නිසා මේ ගැන විහිලුවට ලක් නොකර විසදුම් ලබා දෙන ලෙස රජයෙන් ඉල්ලා සිටින බවත් විපක්ෂ නායකවරයා වැඩිදුරටත් පැවසීය.
රටේ ජාතික ප්රශ්න පාර්ලිමේන්තුවේ ඉදිරිපත් කිරීමට පාර්ලිමේන්තුව ආරම්භ වන අවස්ථාවේ දී විපක්ෂ නායකවරයාට පාර්ලිමේන්තු සාම්ප්රදාය අනුව තිබෙන අවස්ථාව වත්මන් රජය යටතේ අහිමි වී ඇති නිසා වැය ශීර්ෂය සාකච්ඡාවට ලක් කරන අවස්ථාවේ එය ඉදිරිපත් කරන බවත් විපක්ෂ නායකවරයා මෙහි දී වැඩිදුරටත් පැවසීය.
