සිය යාපන රැලියේදී වේදිකාවට ගොඩවන ලෙසට ජනාධිපති රනිල් වික්රමසිංහ මහතා විසින් කළ ආරාධනාවක් දෙමළ සන්ධානයේ සභාපති මාවෙයි සේනාධිරාජා මහතා විසින් ප්රතික්ෂේප කොට ඇත.Sri Lanka Latest News
මේ දිනවල ජනාධිපතිවරයා යාපනයේ සංචාරයක නිරතව සිටින අතර එහිදී ජනාධිපතිවරයා විසින් මෙම ආරාධනාව සිදු කොට ඇති බව දැනගන්නට ඇත.
කෙසේවෙතත් මෙම ආරාධනාව ප්රතික්ෂේප කිරීමෙන් පසු ජනාධිපතිවරයා පුද්ගලිකවම සේනාධිරාජා මහතාගේ නිවසට ගොස් ඔහු සමග කතාබහ කිරීමට කටයුතු කොට තිබේ.
එය සාමාන්ය කතාබහක් වුවද ජනාධිපතිවරයාගේ පාර්ශවයෙන් අද දිනයේදී එය හුවා දක්වා තිබුණේ සේනාධිරාජා මහතාගේ සහාය ජනාධිපතිවරයාට හිමිව ඇති බවත්, මේ හේතුවෙන් දෙමළ ජාතික සන්ධානය දෙකඩ වී ඇති බවත් කියමිනි.
නමුත් ඊට අද දින ප්රතිචාර දක්වා ඇති සේනාධිරාජා මහතා තමන් කිසිසේත්ම ජනාධිපතිවරයාට සහාය පළ නොකළ බවත්, පක්ෂය ගත් තීන්දුවට අනුව යමින් සජිත් ප්රේමදාස මහතාට සහාය දක්වන බවත් ප්රකාශ කොට තිබේ.
සිය නිවෙසට ජනාධිපතිවරයා පැමිණීම හේතුවෙන් සාමාන්ය ආකාරයට ජනාධිපතිවරයාට ආගන්තුක සත්කාර ඉටු කළ බව පෙන්වා දී ඇති ඒ මහතා එමගින් ජනාධිපතිවරයාට සහාය දක්වන බවක් නොකියවෙන බවද කියා සිටියේය.
ඒ අනුව තමාගේ සහාය හිමිවන්නේ සජිත් ප්රේමදාස මහතා හට බවද ඒ මහතා අවධාරණය කොට ඇත.
මේ ආකාරයටම දෙමළ ජාතික සන්ධානය විපක්ෂනායකවරයාට සහාය පළ කිරීමට තීරණය කිරීමත් සමග ආණ්ඩුව පැත්තෙන් ගෙන ගිය ප්රචාරයකින් කියවුණේ මාවෙයි සේනාධිරාජා මහතා දෙමළ සන්ධානයේ තීන්දුවට විරුද්ධ බවත්, මේ හේතුවෙන් දෙමළ සන්ධානය දෙකඩ වී ඇති බවත්ය.
නමුත් ඊට පසුදිනම සේනාධිරාජා මහතා විශේෂ ප්රකාශයක් කරමින් කියා සිටියේ එය සම්පූර්ණයෙන්ම අසත්යයක් බවත්, තමන්ගේ සහාය සජිත් ප්රේමදාස මහතාට හිමිවන බවත්, තමන්ද පක්ෂය ගත් තීන්දුව සමග සිටින බවත්ය.
