මේ වන විට විශ්වවිද්යාල ක්ෂේත්රයේ අර්බුදයක් බවට පත් කර තිබෙන සබරගමුව විශ්වවිද්යාලයේ උපකුලපතිවරයාගේ පත් කිරීම පිළිබඳව ඇතැම් තොරතුරු අනාවරණය වෙමින් පවතිනවා. 2023 අගෝස්තු 21 වැනි දින ප.ව. 2.00 ට පැවැත්වූ සබරගමුව විශ්වවිද්යාලයේ පාලක සභාව විශේෂ සභා රැස්වීම පවත්වා තිබුණේ උපකුලපතිවරයා තෝරා ගැනීම සඳහා යි.Sri Lanka Latest News
සබරගමුව විශ්වවිද්යාලයේ උපකුලපති තනතුර සඳහා අපේක්ෂකයින් හය දෙනෙකු අයදුම් කර තිබෙනවා. ඒ අය අතරින් ඉහලම ලකුණු ලබාගත් තිදෙනෙකු ලකුණු අනුපිළිවෙල අනුව නම් කර ලිඛිතවම විශ්වවිද්යාල ප්රතිපාදන කොමිෂන් සභාව වෙත යවා ඇත්තේ ජනාධිපතිවරයාගේ අනුමැතිය ලබා ගනීමට යි.
එම ලේඛනයට අනුව ජ්යෙෂ්ඨ මහාචාර්ය ආර්.එම්.යූ.එස්.කේ. රත්නායක ලකුණු ලාභීන් අතර ඉහලින්ම සඳහන් කර තිබෙනවා. ඔහු ලකුණු 82.9ක් හිමිකරගෙන තිබූණා. දෙවැනි ලකුණු ලාභියා වූයේ මහාචාර්ය අම්පිටියවත්ත වන අතර ඔහු ලකුණු 60.9ක් ලබාගෙන තිබෙනවා. අදාළ ලේඛනයට අනුව සෙසු ඇය අතරින් තුන් වෙනුවට ලකුණු ලබාගෙන ඇත්තේ මහාචාර්ය එම්. සුනිල් ශාන්ත යි. ඔහු ලබාගෙන ඇත්තේ ලකුණු 60.6ක් පමණයි.
සබරගමුව විශ්වවිද්යාලයේ උපකුලපති තනතුර සඳහා ඉදිරිපත් වූ අපේක්ෂකයන් හයදෙනා අතරින් ඉතිරි තිදෙනාම ලබා තිබුණේ ලකුණු 57.9, 55.3 සහ 51.7ක් ලෙසයි.
මෙම ලකුණු ලබා ගැනීමට අනුව සබරගමුව විශ්වවිද්යාලයේ උපකුලපති ධුරය සඳහා පැවති ලකුණු දීමේ දී ලබාගත් සබරගමුව විශ්වවිද්යාලයේ පාලක සභාව ඉහලම ලකුණු ලබාගත් තිදෙනා සහ ඔවුන් ලබාගත් ලකුණු ලේඛනය විශ්වවිද්යාල ප්රතිපාදන කොමිෂන් සභාව වෙත යවා තිබුණා.
මෙම ලේඛනය ලද පසු ඉහලම ලකුණු ලබාගත් ජ්යෙෂ්ඨ මහාචාර්ය ආර්.එම්.යූ.එස්.කේ. රත්නායක වෙනුවට අඩුම ලකුණු ලබාගත් මහාචාර්ය එම්. සුනිල් ශාන්ත සබරගමුව විශ්වවිද්යාලයේ උපකුලපතිවරයා ලෙස ජනාධිපති රනිල් වික්රමසිංහ විසින් නම්කර තිබෙනවා.
මෙය විශ්වවිද්යාල වැනි ආයතන සඳහා වැරදි සහ නරක පුර්වාදර්ශයක් බවත් මෙම අඩුම ලකුණු ලාභියා උප කුලපතිවරයා බවට පත් කිරීම විශ්වවිද්යාල සඳහා අනවශ්ය දේශපාලන ඇඟිලි ගැසීමක් බව පවසමින් විශ්වවිද්යාල පද්ධතිය පුරාම කැළඹීමක් පැතිරී ඇතැයි වාර්තා වෙනවා.
