43 ලක්ෂයක් පාසල් දූ දරුවන්ගේ දිවා ආහාරය ලබා නොදීම බරපතල ගැටලුවක් වී ඇති බවත් එය දරුවන්ගේ මොළයේ වර්ධනය ඇතුළු සෞඛ්ය කාරණා කිහිපයක් කෙරෙහිම බලපාන බවත් වසර ගණනාවක් ක්රියාත්මක වූ වැඩපිළිවෙළ නිසා සෞඛ්ය සම්පන්න පාසල් සිසු දූදරුවන් පරපුරක් බිහි වූ හෙයින් එම වැඩපිළිවෙළ නැවත ආරම්භ කරන්නේ කවදාද කියා අධ්යාපන අමාත්යවරයාගෙන් විපක්ෂ නායක සජිත් ප්රේමදාස මහතා අද (7) පාර්ලිමේන්තුවේ දී ප්රශ්න කර සිටියේය.
මෙහි දී අධ්යාපන අමාත්යවරයා කියා සිටියේ කිසි දින 43 ලක්ෂයක් පාසල් දූදරුවන්ට දිවා ආහාරය ලබා නොදුන් බවයි. එහි දී විපක්ෂ නායකවරයා කියා සිටියේ අසත්ය තොරතුරු පවසා ජනතාව නොමග නොයවන ලෙසත් 1993 වසරේ දී රණසිංහ ප්රේමදාස ජනාධිපතිවරයා විසින් නිල ඇඳුම සහ දිවා ආහාරය ලබා දුන් නමුත් 1994 බිහි වූ එවක රජය විසින් එය නවතා දැමූ බවත් ය.
එබැවින් සියලුම පාසල් දූ දරුවන්ට තරාතිරම් භේදයකින් තොරව එම දිවා ආහාරය සහ පාසල් නිල ඇදුම ලබා දිය යුතු බවත් සමස්ත දරු පරපුරටම පෝෂ්යදායී ආහාර වේලක් ලබා දීම පවතින රජයේ වගකීමක් බවත් විපක්ෂ නායකවරයා පැවසූවේය. මෙහි දී අධ්යාපන අමාත්ය සුසිල් ප්රේමජයන්ත මහතා කියා සිටියේ මේ සඳහා අවශ්ය මුදල් ප්රතිපාදන නොමැති බව යි. එහි දි විපක්ෂ නායක සජිත් ප්රේමදාස මහතා කියා සිටියේ පවතින මුදල් නිසි පරිදි කළමනාකරණය කරමින් පාසල් සිසුන්ට දිවා ආහාරය ලබා දෙන ලෙස යි.
ඊට අමතරව මේ වන තෙක් සරසවි සිසුන්ට හිමි වන මහපොළ ශිෂ්යත්වය ලබා දීමේ ප්රමාදයක් ඇතිව තිබෙන බවත් එය වහාම ක්රියාත්මක කරන ලෙසත් ඉල්ලා සිටියේය.
Sajith Premadasa Susil Premjayanth
