ඔක්තෝබර් 22 වැනි සිකුරාදා හවස් යාමයේ එරාවුර් නගරයේදී තරුණයන් දෙදෙනකුට අමානුෂික ලෙස පහර දී තිබූ පොලිස් නිලධාරියා හට ඇප ලබා දී ඇත.
එම පහරදීම සිදු කර තිබුනේ 61169 අංකය පැළඳි රථවාහන අංශයේ පොලිස් කොස්තාපල් ඇම් ජයසූරිය විසිනි.
පසුදා ඔහු අත්අඩංගුවට ගෙන අධිකරණයට ඉදිරිපත් කිරීමට පොලීසිය කටයුතු කර තිබුනි.
පහර දීමෙන් අනතුරුව අත් අඩංගුවට ගන්නා ලද තරුණයන් දෙදෙනා අධිකරණයෙන් නිදහස් කර යවා තිබුණි.
පොලිස් මාධ්ය ප්රකාශක පවසන්නේ රිය අනතුරක් සිදුවූ අවස්ථාවක එම ස්ථානයේ විමර්ශන සඳහා ගිය පොලිස් නිලධාරින් ස්ථානයේ මැණීම් කටයුතු සිදුකර ඇති බවයි.
එහිදී සෙසු වාහන නතර කර ඒ සඳහා පොලීසියට සහයෝගය ලබාදී ඇතත් මෙම යතුරු පැදිය පැදවූ පුද්ගලයා එය නොතකා යතුරු පැදිය ධාවනය කිරීම හේතුවෙන් පහරදීම සිදුව ඇති බව පොලිස් මාධ්ය ප්රකාශක ජනමාධ්ය වෙත පවසා තිබේ.
පළාත් බද මාධ්යවේදීන් පවසන්නේ රියදුරු බලපත්රයක් නොමැතිව යතුරු පැදිය පැදවීම සහ අණ නොතකා ධාවනය කිරීම සම්බන්ධයෙන් පහරකෑමට ලක්වූ තරුණයන්ට එරෙහිව පොලීසිය නඩු නඩු පවරා ඇති බවයි.
එම නඩුව නොවැම්බර් මස 10 වැනිදාට කැඳවීමට නියමිත බව පළාත් බද වාර්තාකරුවෝ වැඩි දුරටත් පවසති.
