ලොතරැයි පතක මිල රුපියක් 40 දක්වා ඉහල දැමීමට ජාතික ලොතරැයි මණ්ඩලය සහ සංවර්ධන ලොතරැයි මණ්ඩලය ගෙන ඇති තීරණයට එරෙහිව සහ තවත් ඉල්ලීම් කිහිපයක් මුල් කරගෙන සමස්ථ ලංකා ලොතරැයි අලෙවි නියෝජිතෙන් සහ අලෙවි සහයකවරුන් ලබන 06 වැනිදා සිට ලොතරැයි අලෙවියෙන් ඉවත් වීමට තීරණය කර ඇතැයි සමස්ථ ලංකා ලොතරැයි අලෙවි නියෝජිතයන්ගේ සංගමයේ සභාපති ක්රිෂාන්ත මාරඹගේ පැවසීය. Sri Lanka Latest News
ලොතරැයි පතක මිල රුපියල් 40 කිරීමත් සමගින් අලෙවි නියෝජිතයන්ට දැනට ලබාදෙන කොමිස් මුදල වැඩි කිරීම ඔවුන්ගේ එක ඉල්ලීමක්.
එම කොමිස් මුදල රුපියල් 8 දක්වා ද අලෙවි සහයකයන්ගේ කොමිස් මුදලද ඉහළ නැංවීම සහ ලොතරැයි මිලදී ගන්නා ජනතාව සඳහා තෑගි ප්රමාණය වැඩි කිරීමත් අනෙකුත් ඉල්ලීම් අතර වේ.
මෙම ඉල්ලීම ලබා නොදෙන්නේ නම් හෝ ලොතරැයි මිල වැඩි කිරීම අහෝසි නොකොළහොත් ඔවුන් ලොතරැයි අලෙවියෙන් ඉවත්වීමට නියමිතයි.
ඔවුන්ගේ මේ තීරණය ජාතික ලොතරැයි මණ්ඩලයට සහ සංවර්ධන ලොතරැයි මණ්ඩලයේ පාලනාධිකාරියට දැනුම් දී ඇති බවත් ලබන 6 වැනිදාට පෙර තම ඉල්ලීම්වලට යහපත් ප්රතිචාරයක් ලැබිය යුතු බවත් සභාපතිවරයා පැවසීය.
