පොදු ජනයාට පිළිකුල්ව පවතින දේශපාලන සංස්කෘතිය සජිත් ප්රේමදාස මහතාගේ රජයක් යටතේ ඉවත්වී යනු ඇති බවත් ඒ සඳහා ප්රගතිශීලී ජනයා පෙළ ගැසිය යුතු බවත් සජබ මාතර දිස්ත්රික් සංවිධායක කුමාරසිරි හෙට්ටිගේ මහතා පැවැසීය .Sri Lanka Latest News
ශ්රී ලංකාව වේගයෙන් දියුණු කළහැකි රටක් බව කී ඒ මහතා අවශ්යව ඇත්තේ විනිවිද පෙනෙන රාජ්ය පාලනයක් යැයි ද හෙතෙම සඳහන් කළේය .
හෙට්ටිගේ මහහා එසේ සඳහන් කළේ ඉදිරි ජනාධිපතිවරණයේදී සජිත් ප්රේමදාස මහතාගේ ජය තහවුරු කිරීම සඳහා දෙනියාය මොරවක ,හිගුරුපනාගල ,ඊදඩුකිත ,මාතර කිරින්ද පුහුල්වැල්ල ,කරතොට බොරලුව කන්ද ප්රදේශවල ඉකුත් 28 29 30 31 සහ 01 යන දිනවල පැවැති සුහද හමු වල ප්රධාන ආරාධිතයා ලෙස සහභාගී වෙමිනි .
පොහොට්ටු පක්ෂයේ හා ශ්රීලනිප යේ විශාල පිරිසක් මෙම ජන හමු වලට එක්ව සිටියහ.
එහිදී හෙට්ටිගේ මහතා මෙසේද කීය .
ජනාධිපතිවරණයේ ජය සජිත් මහතාට බව මේ වන විට පැහැදිළියි .එයට ප්රධාන හේතුව වැඩිම පක්ෂ සංවිධාන හා විවිධ ජන කණ්ඩායම් ඔහු වටා පෙළගැසී සිටීමයි .
රටක් දියුණු කරන්න පාලකයා කෙරෙහි විශ්වාසයක් අවශ්යයි .ආත්මාර්ථය පවුල කේන්ද්ර කරගත් රාජ්ය යාන්ත්රණය පසු ගිය කාලයේ අප දැක්කා .එහි අවසානය බල ලෝභී ඇතැමුන් තවම තේරුම් අරන් නෑ .
ජන වරමක් නැති රනිල් මහතාගේ රාජ්ය පාලනය ද දුෂණය නාස්තිය ඉහවහා ගිහින් .ඔහු බලා සිටින්නේ ජාතික සම්පත් විකුණා දැමීමටයි .
යහපත් පාලකයින් දේශපාලනය හා රාජ්ය පාලනය දෙකක් බව තේරුම් ගෙනයි ක්රියා කරන්නේ .සජිත් මහත්තය එවනි නායකයෙක් . ඔහු දැහැමි රාජ්ය පාලනයක් වෙනුවෙන් පෙනී සිටිනවා .දුප්පතුන් ගැන දරුවන්ගේ අධ්යාපනය ගැන සංවේදී නායකයෙක් .පක්ෂයේ අරමුදල් පොදු ජන හිතසුව පිණිස යොදවනවා .අන්තවාදී නෑ .මැදුම් මාවතේ දේශපාලනය ඔහුගේ දේශපාලන දර්ශනයයි .ජනතා අප්රසාදයට පත්ව තිබෙන දේශපාලන සංස්කෘතිය වෙනස් කළ හැකි වන්නේ ඔහුටයි .ලබන 22 දා වන විට සජිත් මහතා ජනාධිපති වන බව සිකුරුයි යැයි ද හෙට්ටිගේ මහතා පැවසීය .
ඉකුත් 01 වැනිදා කිරින්ද පුහුල්වැල්ල දේවාලමුල්ල රැස්වීම සංවිධානය කළ ප්රේමරත්න විජේනායක මහතා සභාව අමතමින් සජිත් ප්රේමදාස මහතා ජනාධිපතිවරණයෙන් ජය ගන්නා බව නියත බවත් ඒ වෙනුවෙන් තම නිවස සහ ඉඩම ඔට්ටුවට තබන බවත් නිවේදනය කළේය .
සුහද හමු අමතා කඹුරුපිටිය සජබ ප්රධාන සංවිධායක කපිල ගමගේ දෙනියාය ශ්රීලනිප ප්රධාන සංවිධායක අනිල් වීරමන් යන මහත්වරුන් ඇතුළු කිහිප දෙනෙක් කතා කළහ .
