ආර්.එෆ්.එම්.සුහෙල් – නුවරඑළිය
ශ්රී ලංකාව තුළ අල නිෂ්පාදනය අතිරික්තයක් පවතින කාල සීමාව තුළ ඉන්දියාව හා පාකිස්ථානයෙන් අල බීලූනු ගෙන්වා ගොවීන් අසීරුතාවයට පත් කිරීම මෙන්ම උඩරට එළවළුවලට නිසි මිලක් නියම නොකිරීමෙන් නිෂ්පාදන මිල ඉහළ ගොස් ආදායම අඩුවන තත්ත්වයක් උදාවී ඇතිති පසුබිමක විෂය පිළිබඳ අවබෝධයක් නොමැති කෘෂිකර්ම විෂය භාර ඇමතිවරුන්ට තනතුරෙන් ඉල්ලා අස්වී එම අමාත්යාංශ ජනාධිපතිවරයා වෙත පවරගන්නා ලෙස බලකරමින් නුවරඑළිය ගොවි සංවිධාන එකමුතුව විසින් අද (10) නුවරඑළිය නගරයේදී උද්ඝෝෂණයක් හා පා ගමනක් සංවිධානය කර තිබිණ ,Sri Lanka Latest News
නුවරඑළියේ ජාත්යන්තර බෞද්ධ මධ්යස්ථානයෙන් අසලින් ඇරඹුණු උද්ඝෝෂණය නුවරඑළි ආර්ථික මධ්යස්ථානය දක්වා ගමන් කරමින් ගොවීන් සිය විරෝධතාවය ප්රකාශ කළේය ,
ගොවීන් වැඩිදුරටත් අදහස් දක්වමින් කියා සිටියේ වර්තමාන රජයේ පත්කරන්නට කටයුතු කළේ ගොවීන්ගේ අයිතිවාසිකම් රකී යන විශ්වාසය නමුත් මේ වන විට ගොවීන්ට දැඩි කෙනෙහිලිකම් කරන්නට වර්තමාන රජය සමත් වී තිබෙනවා ,
ඒ එක්කම විෂය භාර අමාත්යවරුන්ට විෂය සම්බන්ධව කිසිදු අදහසක් නොමැති අතර කෘෂිකර්ම නියෝජ්ය අමාත්ය නාමල් කරුණාරත්න මැතිවරණ කාලය හා ඊට පෙර නුවරඑළියට පැමිණ ගොවින් මුලා කරමින් විවිධ පොරොන්දු ලබා දුන්නද ඒ පොරොන්ද ඉටුකිරීමට තවමත් කටයුතුු නොකිරීම තුළින් ඔහුට යම්කිසි පාර්ශවයකින් බලපෑම් එල්ලබන බවද ගොවීන් අනාවරණය කළේය ,
කුඹුරු පනත නිසි අන්දමින් ක්රියාත්මක කර උඩරට ගොවීන්ගේ එළවළු උඩරට ගොවීන්ට පමණක් වගා කිරීමට අවකාශ උදාකර දී කුඹුරු වගා බිම් සඳහා වී වගාව අනිවාර්ය කිරීමට කටයුතු කිරීම සුදුසු බවද ගොවි ජනතාව යෝජනා කළේය ,
කඩිනමින් මේ ප්රශ්නය විසඳා ගැනීම සඳහා කෘෂිකර්ම අමාත්යාංශ ජනාධිපතිවරයා වෙත පවරා කඩිනමින් විසඳුම් ලබා දෙන ලෙස ඉල්ලා සිටි ගොවිමහතුන් එසේ නොමැති නම් සියලූම ගොවි සංගම් එකට එකතු කරගනිමින් දීප ව්යාප්ත උද්ඝෝෂණයක් සිදුකර කොළඹ වැටලීමට සූදානම් බවද ඔවුන් පැවසීය .
