ඉදිරියේදී ඇතිවීමට නියමිත නරක කාලය නිසා පවතින ආකාරයෙන්ම රජය ගෙන යාමට අසීරු බව අග්රාමාත්ය රනිල් වික්රමසිංහ සදහන් කරනවා.
අගමැතිවරයා කියන්නේ යල හෝ මහ කන්නය සඳහා ප්රමාණවත් පොහොර නොතිබූ බවයි. තමන් උත්සහ ගන්නේ ඊළඟ මහ කන්නයට අවශ්ය කරන පොහොර ලබා ගැනීමට උත්සහ කරන බවයි.
“අපේ විදෙස් මුදල් ලැබෙන ක්රමවේද අවහිර වෙලා. මේ වනවිට ඉන්ධන සඳහා දිගු පෝලිම් පවතිනවා. හැම උදෑසනකම අපි හිතන්නේ නෞකාවලට මුදල් ගෙවන ආකාරය ගැන. ඒ එකකට ගෙවන්න බැරි වුණොත්, ඒ දවසේ හිඟයක් ඇතිවෙනවා. මේ විදිහට රජයක් ගෙනියන්න බැහැ. නරක කාලය එන්න තියෙන්නේ ඉදිරියට. අපිට ආහාර නැතිවෙයි. අපේ ආහාර සැපයුම් ප්රමාණවත් වෙන්නේ ලබන සැප්තැම්බර්, ඔක්තෝබර් දක්වා පමණයි”.
අපිට ගිය යල හෝ මහා කන්නය සඳහා ප්රමාණවත් රසායනික පොහොර තිබුණෙ නැහැ. අපි මේ උත්සාහ කරන්නේ ලබන මහ කන්නයට පොහොර ලබාගන්න. ඒක කරගන්න පුළුවන් වුණොත් ලබන වසරේ පෙබරවාරි මාසයෙන් පසු සාධනීය තත්ත්වයක් ළඟා වෙයි.
අපි ඒ අතරේ මොකද කරන්නේ. ආර්ථිකය කඩාවැටෙද්දී, තව තව රැකියා අහිමිවෙයි. කුඩා හා මහා පරිමාණ කර්මාන්ත කඩාවැටෙයි. අපි මේ යන්නේ එතනට. මිනිස්සුන්ට දිනකට ආහාර වේල් තුනක් නොලැබෙන කාලයක් එයි. අපි කුසගින්න පිටුදකින්න ඕනේ.අපිට මේ වසර තනියම ගෙනියන්න බැහැ.
අපි ප්රතික්ෂේප කරපු අය ගාවට අපිට යන්න වෙනවා. ජපානයට. මොන රට ද ඩොලර් බිලියන 3ක ආධාරයක් ප්රතික්ෂේප කරන්නේ, ස්තූති කරන්නෙවත් නැතිව, සාකච්ඡාවක්වත් නැතිව. අපි ඒ අයගේ විශ්වාසය දිනාගන්නේ කොහොමද?
වාසනාවට අපිට ඉන්දියාව උදව් කළා. චීනයත් අපට සහාය ලබාදී තියෙනවා. අපිට යුරෝපය හා බටහිර දෙසත් බලන්න වෙනවා. ඒ අතරම ණය ගැනත් බලන්න ඕනේ. මොකද, චීන ණය ප්රතිපත්ති අනෙක් අයට වඩා වෙනස්” යයි අගමැතිවරයා පවසා තිබෙනවා.
රනිල් අගමැති වුණ ගමන් පැය 48න් පෝලිම් නැති වන බව වජිර කියපු හැටි!
එක්සත් ජාතික පක්ෂ නායක රනිල් වික්රමසිංහ මහතාගේ පාර්ලිමේන්තු ආසනය අගමැති ආසනයක් ද විය හැකි බව එම පක්ෂයේ සභාපති හිටපු අමාත්ය වජිර අබේවර්ධන මහතා සඳහන් කරයි.
තම පක්ෂ නායකයා රට භාර ගතහොත් පැය 48 කින් සියළු පෝලිම් අවසන් කරන බව තමන් සහතික කරන බවද හෙතෙම පැවසීය.
වත්මන් පාලනය ගැන ජාත්යන්තර විශ්වාසය බිඳ වැටී ඇති අතර ජාත්යන්තරයට විශ්වාසයක් තැබිය හැකිය පාලනයක් මෙරට ස්ථාපිත වූ පසු ජාත්යන්තරය උපකාර කරනු ඇති බව ද හෙතෙම සදහන් කලේය.
කොළඹ පැවැති මාධ්ය හමුවකදී ඒ මහතා මෙම අදහස් පල කරන ලදී.
