පසුගිය සතියේ නුගේගොඩ සිට ප්රධාන නගර කිහිපයක් පසුකරමින් පොලිස් නිලධාරීන්ගේ ඇස් වසා කඩුගන්නාව දක්වා පොලිස් ස්ථාන 33ක් පසුකරමින් නිරුවතින් යතුරුපැදියක් පදවාගෙන ගිය තරුණයා ගැන මහමග ගමන්ගත් ජනතාවගෙන්වත් තොරතුරක් නොලැබුණු බව පොලිසියේ නියෝජ්ය මාධ්ය අධ්යක්ෂ, සහකාර පොලිස් අධිකාරී ෆෙඩි්රක් උදය කුමාර වුඩ්ලර් මහතා පැවැසීය. Sri Lanka Latest News
නිරුවතින් යතුරුපැදිය පදවාගෙන ගිය තරුණයා එදින පෙරවරු 8.45ට කඩුගන්නාව ප්රදේශයේදී පොලිසිය විසින් අත්අඩංගුවට ගෙන අධිකරණයට ඉදිරිපත් කර මාර්තු 09 වැනිදා දක්වා රක්ෂිත බන්ධනාගාරගත කොට ඇති බවත්, ඔහු එදිනම බන්ධනාගාර අධිකාරී යටතේ මානසික රෝහලකට ඉදිරිපත් කරන බවත් වුඩ්ලර් මහතා පැවැසීය.
දිනපතා අලුයම 4.00 සිට රථවාහන රාජකාරිවල පමණක් නොව වෙනත් මෙහෙයුම්වල පොලිසිය යෙදෙන බවත්, ඇතැම් විට සමහර විදේශිකයන් බැනියමක්වත් නොමැතිව උඩුකය නිරාවරණය කරගනිමින් යතුරුපැදිවල ගමන් ගන්නා නිසා මේ සිද්ධියත් එවැන්නක් යැයි සිතූ නිසා පොලිස් ඇස නොගැටී ඇත්තේ එවැනි අතපසුවීමකින් විය හැකි බවයි ඔහු සඳහන් කරන්නේ.
මගතොටේදී මෙම නිරුවත් තරුණයා ගැන පොලිසිවල අවධානය යොමු නොවීම ගැන පරීක්ෂණයක් පැවැත්වීමේ අවශ්යතාවක් මතුවී නොමැති බවද ඔහු පැවැසීය.
මේ පිළිබඳ ‘මව්රට’ මහජන ආරක්ෂාව පිළිබඳ නියෝජ්ය අමාත්ය නීතිඥ සුනිල් වටගල මහතාගෙන් විමසූ විට ඔහු කීවේ ඒ පිළිබඳ අවධානය යොමුකර සොයා බැලීමක් සිදුකරන බවයි.
මෙම නිරුවත් තරුණයා කඩුගන්නාව කන්ද නගින තුරුම 119 හදිසි ඇමතුම් අංකය මගින් හෝ පොලිසිවලට දුරකතන ඇමතුමක් ලැබී නොමැත.
