ශ්රී ලංකා ක්රිකට් සම්බන්ධයෙන් මතුවී ඇති අලුත්ම තත්ත්වය සම්බන්ධයෙන් කරුණු හෙළිකිරීම සඳහා ක්රීඩා අමාත්ය රොෂාන් රණසිංහ මහතා විශේෂ ප්රවෘත්ති සාකච්ඡාවක් කැඳවා තිබිණ. Sri Lanka Latest News
එහිදී අමාත්යවරයා කියා සිටියේ තමන්ට මේ වනවිට මරණ තර්ජන එල්ල වී ඇති බවත්, අදින් පසු තමාගේ ජීවිතය පවා විශ්වාස නැති බවත්ය.
එමෙන්ම තමන් ජනාධිපතිවරයා මුණගැසීමට ගියද ජනාධිපති ලේකම් කාර්යාලයෙන් වතුර වීදුරුවක් හෝ නොබොන බවද කියා සිටියේය.
ශ්රී ලංකාවේ ක්රිකට් ද්වේෂ සහගතව තහනම් කළේ ඇයිදැයි ජාත්යන්තර ක්රිකට් කවුන්සිලයෙන් විමසන බවද ඔහු සඳහන් කළේය.
ශ්රී ලංකා ක්රිකට් ආයතනයට කිසිදු ආකාරයක දේශපාලන බලපෑම් හෝ අතපෙවීම් කර නැතැයි පැවසූ අමාත්යවරයා මුළු පාර්ලිමේන්තුවම ශ්රී ලංකා ක්රිකට් ආයතනයේ පාලකයන් ගෙදර යා යුතු බව එකහෙළා අනුමත කළ බවද ප්රකාශ කළේය.
ශ්රී ලංකා ක්රිකට් ආයතනය සුද්ද කිරීමට අවශ්ය සියලු පියවර ගන්නා බවද රොෂාන් රණසිංහ මහතා වැඩිදුරටත් පැවසීය.
