ඉදිරි දින කිහිපයේදී නාඩු සහල් කිලෝවක මිල රුපියල් 200 ඉක්මවා ඉහළ යනු ඇතැයි සහල් මෝල් හිමියෝ කියා සිටී.
අද වන විට වී මිල ශීඝ්රයෙන් ඉහළ යාම හේතුවෙන් මෙම තත්ත්වය උදාවී ඇතැයි ඔවුන් පෙන්වා දෙති.
මහ කන්නයේ දී කාබනික පොහොර යොදා වී ගොවිතැන කිරීම නිසා අස්වැන්න විශාල ලෙස පහත වැටී ඇති බවත් මේ නිසා ගොවීන් තම වී තොග අලෙවි නො කරමින් සිටින බවත් සඳහන් කරන මෝල් හිමියන් මෙම තත්ත්වය මත ද සහල් මිල ඉහළ යනු ඇතැයි කියා සිටියි.
අද වන විට නාඩු වී කිලෝවක් රුපියල් 110 දක්වාම ඉහළ ඉහළ මිලකට නියම වී ඇති අතර එම මිලට නිෂ්පාදනය වෙන සහල් කිලෝවක නිෂ්පාදන වියදම රුපියල් 190 ඉක්මවයි.
ඉදිරි යල කන්නයට රසායනික පොහොර නිසි ලෙස සැපයීම සිදු නොකළහොත් වී කිලෝවක මිල රුපියල් 150 ඉක්මවා යනු ඇති බව ද එක්සත් සහ නිෂ්පාදකයන්ගේ සංගමය සඳහන් කරයි.
එසේ වුවහොත් යල කන්නයෙන් පසු සහල් කිලෝව රුපියල් 300 ඉක්මවනු ඇතැයි සංගමය සභාපති මුදිත පෙරේරා මහතා පැවසීය.
