කඩුවෙල නගරාධිපති රන්ජන් ජයලාල්ගේ යැයි කියන හඬ පටයක් මේ වන විට සමාජ මාධ්ය තුළ සංසරණය වෙමින් තිබෙනවා.Sri Lanka Latest News
ඔහු විසින් නීතිඥවරියක ඇතුළු පිරිසකට අශෝභන ලෙස බැණ වදින හඬ පටයක් මෙසේ සමාජ මාධ්ය තුළ සංසරණය වීමත් සමග එය දැඩි කතාබහකට ලක්ව තිබෙනවා.
යම් ගැටලුවක් සම්බන්ධයෙන් කරුණු කීමට පැමිණි පිරිසක් හා නගරාධිපතිවරයා අතර වූ උණුසුම් සංවාදයක් අතර මැදයි මේ වාග් ප්රහාරය සිදුව ඇත්තේ.
එම හඬ පටයට අනුව, නගරාධිපතිවරයා පවසන්නේ මෙතන බලධාරියා මම, මට බලතල තිබෙනවා යනුවෙනුයි.
අදාළ පැමිණිල්ල විභාග කරන්නේ තමන් “නිල නොලත් මහේස්ත්රාත්වරයෙකු” ලෙස බවයි.
එහිදී නීතිඥවරුන්ට පැමිණ තමුන්ට බලපෑම් කිරීමට හැකියාවක් නැති බවයි ඔහු පවසන්නේ.
කෝපයෙන් කතා කරන නගරාධිපතිවරයා, අවසානයේ අදාළ නීතිඥවරිය ඇතුළු පිරිසට වහාම දොට්ට බහින්නැයිද මේක උසාවිය නොවේ යැයිද පවසනවා.
අදාළ හඬ පටය හේතුවෙන් බොහෝ පිරිස් නගරාධිපතිවරයාගේ ක්රියාව විවේචනය කරමින් තිබෙනවා.
මහජන නියෝජිතයෙකු නීති වෘත්තිකයෙකුට සහ සාමාන්ය ජනතාවට මෙසේ ආමන්ත්රණය කරන්නේ කෙසේදැයි ඔවුන් ප්රශ්න කරනවා.
