අද (7) විවෘත කරන නව වැනි පාර්ලිමේන්තුවේ පස් වැනි සභා වාරය සඳහා, රක්ෂිත බන්ධනාගාර ගත කර බන්ධනාගාර රෝහලට යොමු කර සිටින හිටපු ඇමැති කෙහෙළිය රඹුක්වැල්ල මහතා සහභාගි නොවන බව බන්ධනාගාර දෙපාර්තමේන්තුව විසින් පාර්ලිමේන්තු වේත්රධාරිවරයා වෙත දැනුම් දී ඇත.Sri Lanka Latest News
අයහපත් සෞඛ්ය තත්ත්වය මත තමන් මෙම 07 දා පැවැත්වෙන පාර්ලිමේන්තු සභාවාරය සඳහා සහභාගි නොවන බව කෙහෙළිය රඹුක්වැල්ල මහතා බන්ධනාගාර දෙපාර්තමේන්තු බලධාරින් වෙත අත්සන් සහිත ලිඛිත ප්රකාශක් ඊයේ (06) පස්වරුවේ ලබා දී තිබේ.
නව වැනි පාර්ලිමේන්තුවේ පස් වැනි සභා වාරය සඳහා පාර්ලිමේන්තු මන්ත්රි, හිටපු ඇමැති කෙහෙළිය රඹුක්වැල්ල මහතා යොමු කරන ලෙස වේත්රධාරිවරයා බන්ධනාගාර කොමසාරිස් ජනරාල්වරයාට ලිපියක් යොමු කර තිබී ඇත.
ඊට පිළිතුර යොමු කරමින් බන්ධනාගාර දෙපාර්තමේව්තුව සඳහන් කර ඇත්තේ රඹුක්වැල්ල් මහතා අද(07) පාර්ලිමේන්තු සභාවාරය සඳහා සහභාගි නොවන බවට ප්රකාශයක් ලබා දුන් බවයි.
මේ අතර බන්ධනාගාර උසස් නිලධාරියකු පැවැසුවේ ඊයේ (06) දිනයේ රඹුක්වැල්ල මහතා තමන් පාර්ලිමේන්තු සභාවාරයට සහභාගි නොවන බව සඳහන් කළද අද(07) දිනයේ දී ඔහු තමාට එම සභාවාරය සඳහා යාමට අවශ්ය බව දැන්වුවහොත් ඔහුව පාර්ලිමේන්තුව වෙත රැගෙන ඒමට කටයුතු යොදන බවයි.
