නොරොච්චෝලේ ලක්විජය ගල් අඟුරු බලාගාරයේ සඳහා 2022 සිට 2025 කාල පරිච්ඡේදයට අදාළ ව ගල් අඟුරු මිලදී ගැනීමේ ප්රසම්පාදන ක්රියාවලිය ඇගයීම් සම්බන්ධයෙන් වූ විශේෂ විගණන වාර්තාව නිකුත්කර තිබෙනවා. ලියාපදිංචි නොවන සැපයුම්කරුවකු විසින් ඉදිරිපත් කරන ලද ගල් අඟුරු සැපයීමට අදාළ වූ ලංසුවක් සුදුසුකම් නොලත් ලංසුවක් ලෙස සැලකිය හැකි ව තිබූ බව එම වාර්තාව සඳහන් කරනවා.
ගල් අඟුරු ගෙන්වීම සඳහා ලියාපදිංචි සැපයුම්කරුවන් වෙතින් පමණක් ලංසු කැඳවීම සිදුකර යුතු වුවත් පසුගිය ජුනි මාසයේ ලියාපදිංචි නොවන සැපයුම්කරුවකු ඉදිරිපත් කළ ලංසුව පිළිගෙන ඇති බවයි විගණන වාර්තාවෙන් අනාවරණය වන්නේ.
පසුගිය අගෝස්තු ලංකා ගල් අඟුරු සමාගම මගින් මෙම ලියා පදිංචි නොවන ගල් අඟුරු සැපයුම්කරු සමග ගනුදෙනු පවත්වාගෙන යාමේ හැකියාව පිළිබඳව නීතිපති ගෙන් විමසා ඇති අතර නීතිපතිගේ මතය ලැබීමට පෙර මෙම ලංසුව වෙත අදාළ සැපයීම ප්රදානය කර ඇති බව එම වාර්තාව සඳහන් කර තිබෙනවා.
