අමාත්ය සුනිල් හඳුන්නෙත්ති මහතා පසුගියදා චීනයේ පැවැති World Economic Forum හිදී ඉංග්රීසි භාෂාවෙන් සිදුකළ අදහස් දැක්වීම සම්බන්ධයෙන් විවිධ විවේචන එල්ල වී ඇති පසුබිමක ඒ පිළිබඳ තම මතය ඉදිරිපත් කිරීමට ප්රකට සමාජ මාධ්ය ක්රියාකාරීන් කණ්ඩායමක් වන SL VLOG කටයුතු කර තිබුණේ මේ ආකාරයටයි. Sri Lanka Latest News
හඳුන්නෙත්තට ඉංග්රීසි බෑ කියලා විහිළු කරනවා. ඒකට හිනා වෙනවා දැක්කා. ඊට පස්සේ ඒක ඩිෆෙන්ඩ් කරන්න අනිත් පැත්තෙන් ඉංග්රීසි ඕනේ නෑ රටවල් හදන්න, ඉංග්රීසියෙන් කතා කරපු එවුන් හොරකම් කළා කියලා කියනවා. මම කියන්නේ ඒ එතැනත් ආයෙත් ඉතින් හරිම ආන්තික ආගියුමන්ට් එකක් තමයි දෙපැත්තෙම තියෙන්නේ. ඉතින් හොරු ඉංග්රීසියෙන් හොරකම් කරන්නත් පුළුවන්, සිංහලෙන් හොරකම් කරන්නත් පුළුවන්. මොකද ඉංග්රීසියෙන් විතරද හොරකම් කරන්න පුළුවන්? සිංහලෙනුත් හොරකම් කරන්න පුළුවන්. සහ ඉංග්රීසියෙන් වැඩ කරන්නත් පුළුවන්, සිංහලෙන් වැඩ කරන්නත් පුළුවන්. ඒක ප්රශ්නයක් නෑ. ඉතින් භාෂාව තියෙන්නේ සන්නිවේදනය කරන්න. වැදගත්ම දේ සන්නිවේදනයනේ. විශේෂයෙන් එකොනොමික් ෆෝරම් වගේ එකකට ගියාම විදේශ රටවල් එක්ක තියෙන සම්බන්ධකම්වලදී සහ ඔය වගේ තැනක මූලික කාරණාව මට කියන්න ඕනේ එක මට කියාගන්න පුළුවන්ද කියන එක. ඒක භාෂාව මොකක් වුණත් ප්රශ්නයක් නෑ.
තව කට්ටියක් ඉංග්රීසි බැරි එක ප්රශ්නයක් නෙවෙයි, රටවල් හදන්න ඉංග්රීසි ඕනේ නෑ කියලා කියන කට්ටියකුත් ඉන්නවා.
නෑ ඒ ඒක පිළිගන්න පුළුවන්.
ඇත්තටම වැඩකරන්න ඉංග්රීසි බැරි එක එක අඩුපාඩුවක් විතරනේ. ඉතින් ඒ කියන්නේ ඉංග්රීසියෙන් වැඩකරන්න තියෙන තැනක ඉංග්රීසි බැරි නම් ඒක එක අඩුපාඩුවක් විතරයි. තමන් කරන වැඩේ තමන්ට කරන්න පුළුවන් නම් ඒකට ඉංග්රීසි කියන එක වෙන තැනකින් සහයෝගයක් ගන්න පුළුවන් එකක්. ලැන්ග්වේජ් එක කියන එක.
මම දැක්කා ඒ ආගියුමන්ට්වලින් ඉංග්රීසි ඕනේ නෑ රටවල් හදන්න, ඉංග්රීසි බැරි එක ඔය තරම් ලොකු ප්රශ්නයක් නෙවෙයි කියලා. මම කියන්නේ අන්න ඒක කවුරු හරි මේ එකොනොමික් ෆෝරම් එකට කලින් හඳුන්ට කියලා දීලා තිබුණා නම් එතකොට එයාට තිබුණා ඉංග්රීසි පිළිබඳ හීනමානය අතහැරලා, එයා සිංහලෙන් කතා කරලා, එයා සිංහලෙන් කතා කරන ටික ඉංග්රීසියට පරිවර්තනය කරලා දෙන්න ඉංග්රීසි දන්න කෙනෙක් එක්කන් යන්න. මොකද රටවල් හදන්න ඉංග්රීසි ඕනේ නෑ. හැබැයි මේ කියන කතාව, මම දන්නේ නෑ පැහැදිලි සන්නිවේදනයක් මේ කණ්ඩායමේ ඔය ෆෝරම් එකේදී වුණාද කියලා. ඒක ජජ් කරන්න තරම් මම ඉංග්රීසි දන්නෙත් නෑ.
මම දන්න තරමට වඩා ඉංග්රීසි ඕනෙ වෙන තැනකදී මම මට වඩා ඉංග්රීසි දන්න කාගේ හරි සහයෝගය ගන්න පැකිලෙන්නේ නෑ. ඉතින් ඇත්තටම ඉංග්රීසි කියන්නේ මහා ලොකු ලබ්බක් නෙවෙයි කියලා හඳුන්ගේ ඔළුවේ තිබුණා නම් මම හිතනවා මේකට මීට වැඩිය හොඳට හඳුන්ට ෆේස් කරගන්න තිබුණා කියලා. දන්න සිංහලෙන් කතා කරලා, සමහරු කියනවා මේ ඉංග්රීසි හොඳයි කියලා. එහෙමනම් ඉතින් මම දන්නේ නෑ. එහෙනම් ඉතින් ප්රශ්නයක් නෑනේ. එතකොට ඔක්කොම ඒ විදිහටම කරගෙන යන්න තමයි තියෙන්නේ.
හැබැයි, ඉංග්රීසිවලට, භාෂාවට හිනාවෙන්න එපා කියලා මාලිමාවට සහයෝගය දක්වන අය කියනකොට මට හිනායනවා. මේ මේ වගේ වීඩියෝ ආපහු ආපහු දකිනකොට. තමන් අනිත් කෙනාව පෙන්නලා දක්වන ප්රතිචාරය නැවත තමන්ගේ පැත්තට එනකොට ඒක බාරගන්න බැරි තරම් ළාමක නම් පොලිටික්ස් නම් කරන්නම එපා. හඳුන් නම් ඕක ගැන මොකුත් ප්රකාශයක් කරලා තියෙනවා මම දැක්කේ නෑ. හඳුන්ට ගානකුත් නැතුව ඇති. සාමාන්යයෙන් රෙදි සෝදන අය, හිත රිදෙන කණ්ඩායම් ඉන්නවනේ. ඉතින් ඒක එහෙම තමයි. ‘කපුටාස් හිට් ද ප්ලේන්’වලට හිනා වෙනවා, සජිත් අර ජපන්වලින් කියපු එකකට හැම තිස්සෙම හිනා වෙනවා නම්, තව කට්ටියක් මේකට හිනාවෙන එක බාරගන්න පුළුවන් වෙන්න ඕනේ. ඉතින් මේ ලෝකේ පළවෙනි වතාවට වෙන එකක්, හඳුන්ගේ ඉංග්රීසිවලට හිනා වෙන එක වැරදියි වගේ එහෙම තර්ක කරන්න බෑ. මොකද අනිත් පැත්ත එම්බ්රේස් කරලා තියෙනවා….’
SL VLOG
