ශ්රී ජයවර්ධනපුර රෝහලේ සේවය කළ විශේෂඥ වෛද්යවරියක් පසුගියදා අත්අඩංගුවට ගැනීම හරහා මෙරට විශේෂඥ වෛද්යවරුන් විශාල පිරිසක් යම් කම්පනයකට පත්ව ඇතැයි සමගි ජන බලවේගයේ පාර්ලිමේන්තු මන්ත්රී ප්රසාද් සිරිවර්ධන මහතා පවසනවා. පසුගිය 30 වැනිදා පාර්ලිමේන්තුවේදී අදහස් දක්වමින් ඒ මහතා මෙසේ පැවැසීය. Sri Lanka Latest News
‘පහුගිය දවස්වල ඉතාම ආන්දෝලනාත්මක සිදුවීමක් වෙනවා. ඒ තමයි ජයවර්ධනපුර රෝහලේ විශේෂඥ වෛද්යවරියක් අත්අඩංගුවට ගැනීම. මේ අත්අඩංගුවට ගැනීම හරහා විශේෂඥ වෛද්යවරු ඇතුළු ඒ වෛද්ය සේවය කැළඹිලි ස්වභාවයකට ලක්වෙලා තියෙනවා. විශේෂඥ වෛද්යවරු ඉන්නේ රටකට ඉතාම අල්ප ප්රමාණයක්. විශේෂයෙන්ම මේ මොළය හා සම්බන්ධ වෛද්යවරු දහයක්වත් ලංකාවටම නෑ. අද වෛද්යවරිය අත්අඩංගුවට ගැනීම හරහා සහ ඒ අත්අඩංගුවට ගැනීමේ ක්රියාවලිය ඇතුළේ විශේෂඥ වෛද්යවරු ගණනාවක්, විශාල පිරිසක්, ඉන්න පිරිසත් කම්පනයට පත්වෙලා තියෙනවා. ඇයි? කිසිදු වෛද්යවරයෙක් ශල්යකර්මයක් සිදුකරන්නේ අසාර්ථක වෙන්න බලාගෙන නෙවෙයි. මොළයේ ශල්යකර්ම කරන අය තමන්ට විශ්වසනීය අවුරුදු ගාණක් තිස්සේ ප්රැක්ටිස් කරලා ගත්ත උපකරණයක් යම් තැනකින් ගේන්න, ඒක රෝහලේ නැත්නම්, ඒ අවශ්ය කරන උපකරණය ගේන්න කියලා කීම රෝගියාගේ ආරක්ෂාව වෙනුවෙන් ගත්ත තීරණයක් අවසානයේදී අත්අඩංගුවට ගැනීමක් බවට පත්වෙනවා. අනිත් එක තමයි අත්අඩංගුවට ගැනීමේ ක්රියාවලිය.
වසර ගණනාවක් මා දන්නා විදිහට පොලිස් දෙපාර්තමේන්තුව හා සම්බන්ධව සේවය කරන, පොලිස් රෝහලේ සේවය කරන වෛද්යවරියක් අත්අඩංගුවට ගැනීමේ ක්රියාවලිය ඇතුළේ කම්පනයට පත්වන අතරතුර යළි යළිත් සමාජ මාධ්ය සහ අනෙකුත් මාධ්ය හරහා මේ ක්රියාවලිය හරහා යළිත් සාෆි වෛද්යවරයාගේ නාට්යය නැවත ඒ ඕඩියන්ස් එකටම රඟදක්වමින් ඉන්නවා. මේ ක්රියාවලිය හරහා මේ රටේ රාජ්ය සේවය බයකරනවා. විශේෂයෙන්ම තමන්ට හිතේ විදිහට, තමන් විශ්වාස කරන විදිහට ශල්යකර්මයක් කරගන්න බැරි මට්ටමට මේ රට ඇතුළේ මේ වෛද්යවරුන්ගේ ප්රශ්නය ආණ්ඩුව ගෙනියමින් ඉන්නවා. ඒ වගේම සියලු තීරණ සාධාරණීකරණය කරන්න සමාජ මාධ්ය හරහා මිනිස්සු ටිකක් ඉන්නවා. දැන් අවසාන වශයෙන් කතා කළොත්, සාෆි වෛද්යවරයාගේ නාට්යයම තමයි යළි වතාවක් යන්නේ. අද උදෑසන ඒ වෛද්යවරියගේ දියණිය බන්ධනාගාරයට ගියාම බන්ධනාගාර ආරක්ෂක නිලධාරීන් එයාලගෙන් අහනවා මේ වගේ හෙරක් ආරක්ෂා කරන්නද ඔබ එන්නේ කියලා. මේක ඉතාම නරක තත්ත්වයක් මේ රටේ. හේතුව මේ වගේ මිනිස්සු ආරක්ෂා කරගන්න ඕනෙ වෙලාවක මේ විදිහට වගකීම් විරහිතව නම් ක්රියාත්මක කරන්නේ මේ රට යන ගමන එතරම් හොඳ පාරක නෙමෙයි කියමින් මගේ කතාව අවසන් කරනවා….’
පාර්ලිමේන්තු මන්ත්රී ප්රසාද් සිරිවර්ධන
