2022-23 (අප්රේල් සිට මාර්තු) මූල්ය වර්ෂයේ ලබාදුන් බදු සහන හේතුවෙන් රුපියල් බිලියන 978ක බදු ආදායමක් අහිමිව තිබෙණ බව ආණ්ඩුව වාර්තා කළේය. (Sri Lanka Latest News)
මෙසේ අහිමි කරගෙන ඇති බදු ආදායමේ ප්රමාණය 2022 වසරේ එකතුකරගෙන ඇති බදු ආදායමෙන් 56% වේ.
ආර්ථිකය පිළිබද විශ්ලේෂණ සහ විදසුන් සපයන ශ්රී ලංකාවේ ප්රමුඛතම වේදිකාව වන PublicFinance.lk මෙකී කරුණු අනාවරණය කළ අතරල මෙම වේදිකාව පවත්වාගෙන යන්නේ වෙරිටේ රිසර්ච් ආයතනය යි.
PublicFinance.lk මේ සඳහා භාවිතා කර ඇත්තේ 2024 මාර්තු මස 31 වෙනිදා ශ්රී ලංකාවේ මුදල් අමාත්යාංශය ප්රසිද්ධ කළ බදු වියදම් ප්රකාශයයි.
ශ්රී ලංකාව ලබාදුන් විවිධ විශේෂ ඉලක්කගත බදු සහන හරහා ආණ්ඩුව අහිමිකරගෙන ඇති ආදායම මෙකී වාර්තාවෙන් ඇස්තමේන්තුගත කර ඇත.
අන්තර්ජාතිකව පිළිගත් හොඳම ක්රමවේදයන් හා අනුගත වෙමින් ශ්රී ලංකාවේ මුල්ය කටයුතු වාර්තාකරණයේ විනිවිදභාවය ඉහළ නැංවීම මෙම වාර්තාවේ අරමුණ බව එහි වැඩිදුරටත් දැක්වේ.
ආයෝජන ප්රවර්ධන මණ්ඩලය සහ උපායමාර්ගික සංවර්ධන ව්යාපෘති පනත පණත හරහා බදු සහන හිමිවන සියලුම සමාගම්වල නම් සහ එසේ ලබාදෙන බදු සහනයේ වටිනාකම පිළිබඳ ඇස්තමේන්තුවක් අර්ධ වාර්ෂිකව ප්රසිද්ධ කරන බව යන්න මෙරට ක්රියාත්මක අන්තර්ජාතික මූල්ය අරමුදලේ ණය වැඩසටහන යටතේ ආණ්ඩුව ලබා දීල ඇති කැපවීමකිග මෙම තොරතුරු ප්රසිද්ධ කළ යුතුව තිබුණේ 2023 මාර්තු මාසයේ යග නමුත් එයිඉටුකර නැති’ කැපවීමක් යැයි 2024 පෙබරවාරි මාසය වන විට අලුත් කර තිබූ IMF මීටරයෙන් (https://manthri.lk/en/imf_tracker) වර්ග කර තිබුණි.
