මහත් ආන්දෝලනයකට තුඩු දී ඇති දේවගැති ජෙරොම් ප්රනාන්දු විසින් බුදුන් වහන්සේට අපහාස කළ සිදුවීම සම්බන්ධයෙන් විපක්ෂ නායක සජිත් ප්රේමදාස මහතා හෝ සමගි ජන බලවේගය කිසිදු මතයක් නොදැරීම සැකයට තුඩු දෙන කාරණාවක් බව හිටපු අමාත්ය පී. හැරිසන් මහතා සඳහන් කර තිබිණ.
එම දේවගැතිවරයා සමග සජිත් ප්රේමදාස මහතා ද සම්බන්ධතා පැවැත්වූ බවට සැකයක් පවතින බවත්, එනිසා මෙම සිදුවීම සම්බන්ධයෙන් ඔහු හෝ සමගි ජන බලවේගය ස්ථාවරය හෙළි කළ යුතු බවත් මන්ත්රීවරයා පවසයි.
දේවගැතිවරයාගේ ප්රකාශය සම්බන්ධයෙන් ජනාධිපතිවරයා ඇතුළු බොහෝ පාර්ශවයන් තම මතය ප්රකාශ කර ඇති පසුබිමක, ප්රධාන විපක්ෂය මේ සම්බන්ධයෙන් නිහඬව සිටීම පුදුමයක් බවත් හෙතෙම සඳහන් කරයි.
හැරිසන් මහතා ඉකුත් යහපාලන ආණ්ඩුවේ කෘෂිකර්ම කැබිනට් අමාත්යවරයා වශයෙන් කටයුතු කළ අතර මහමැතිවරණයේදී තරග කළේ එක්සත් ජාතික පක්ෂයෙන් ඉවත්ව සමගි ජන බලවේගය යටතේය.
එහිදී ඒ මහතා දරුණු පරාජයකට මුහුණ දුන්නේය.
කෙසේවෙතත් සමගි ජන බලවේගයේ ස්ථාවරය අද දින විපක්ෂනායකවරයා විසින් රටට අනාවරණය කර තිබුණේ මෙසේය.
