පාස්කු ඉරිදා එල්ලවූ ත්රස්ත ප්රහාරයට සම්බන්ධ බවට සැක කරන පුලස්තිනී මහේන්ද්රන් හෙවත් සාරා ජෙස්මින්ට අදාළව තෙවැනි ඩී.එන්.ඒ. පරීක්ෂණය සිදු කිරීමට 2022 වසරේදී එවකට සිටි ජනාධිපතිවරයා විසින් දී ඇති නියෝග සම්බන්ධයෙන් වහාම විමර්ශනයක් කර අධිකරණයට වාර්තාවක් ගොනු කරන ලෙස කොටුව මහේස්ත්රාත් ඉසුරු නෙත්තිකුමාරගේ මහතා ඊයේ (11) අපරාධ පරීක්ෂණ දෙපාර්තමේන්තුවට නියෝග කෙළේය.Sri Lanka Latest News
පාස්කු ඉරුදින ත්රස්ත ප්රහාරයෙන් අනතුරුව කොළඹ සිට කල්මුණේට පලාගිය සහරාන්ගේ පවුලේ සාමාජිකයන් ඇතුළු පිරිසක් සයින්දමරුදු හි පිහිටි නිෙවසකදී 2019.04.26 වැනිදා සිදුවූ පිපුරුමකින් මියගියේය. මෙම පිපුරුම සිදුවන විට එම නිෙවසේ සිටි සාරා ජෙස්මින් නමැති කාන්තාව මියගොස් නැති බව ඩී.එන්.ඒ. පරීක්ෂණ දෙකකින්ම තහවුරු වී තිබුණි.
එසේ තිබියදීත් 2022 වසරේ පැවැති ආරක්ෂක මණ්ඩල රැස්වීමකදී සාරා ජෙස්මින්ගේ තෙවැනි ඩී.එන්.ඒ පරීක්ෂාවක් සිදු කිරීමට එවක ජනාධිපතිවරයා විසින් නියෝග ලබාදී ඇත්තේ විමර්ශන හරි මඟට ගැනීමටද එසේ නැත්නම් සාක්ෂි වසන් කිරීමට සහ කඩාකප්පල් කිරීම සඳහාද යන්න විමර්ශනය කරන ලෙස මහේස්ත්රාත්වරයා නියෝග කළේය.
එහි අපරාධ වරදක් තිබේද නැද්ද යන්න සම්බන්ධයෙන් වහාම විමර්ශන කර අධිකරණයට වාර්තාවක් ගොනු කරන ලෙසත් මෙහිදී මහේස්ත්රාත්වරයා නියෝග කළේය.
එසේම එම නියෝග දී ඇත්තේ කුමන පදනමකින්ද කාටද යන්න සම්බන්ධයෙන්ද විමසා බලන ලෙසටද මහේස්ත්රාත්වරයා මෙහි දී නියෝග කළේය.
