සමාජ මාධ්ය ක්රියාකාරිකයෙකු සහ ‘#GoHomeGota2022’ ෆේස්බුක් පිටුවේ පරිපාලක තිසර අනුරුද්ධ බණ්ඩාරට එරෙහිව පනවා තිබූ විදෙස් ගමන් තහනම ඉවත් කිරීමට කොළඹ ප්රධාන මහේස්ත්රාත් අධිකරණය පියවර ගෙන ඇත.
ජනාධිපතිවරයාට සහ රජයට අප්රසාදය පළ කිරීමට උත්සාහ කළ බව කියන සැකකරු අප්රේල් 2 වැනිදා අත්අඩංගුවට ගෙන අධිකරණයට ඉදිරිපත් කිරීමෙන් පසු ඇප මත මුදා හැරිණි.
එහිදී එක් ඇප කොන්දේසියක් ලෙස සැකකරුට විදෙස් ගමන් තහනම් කිරීමට අධිකරණය නියෝග කළේය.
මෙම නඩුව කොළඹ අතිරේක මහේස්ත්රාත් කේමින්ද පෙරේරා මහතා හමුවේ කැඳවූ අවස්ථාවේදී සමාජ මාධ්ය ක්රියාකාරිකයා වෙනුවෙන් විත්තියේ නීතිඥවරයා පෙනී සිටිමින් තම සේවාදායකයාට පනවා ඇති විදෙස් ගමන් තහනම ඉවත් කරන ලෙස නියෝගයක් ඉල්ලා සිටියේය.
දණ්ඩ නීති සංග්රහයේ 120 වගන්තිය යටතේ වැරදි සිදුකිරීම සම්බන්ධයෙන් සැකකරු අත්අඩංගුවට ගෙන තිබුණි.
වැඩිදුර මහේස්ත්රාත් පරීක්ෂණය මැයි 31 දිනට නියම කෙරිණි.
