දෙමළ ජාතික ජනතා පෙරමුණේ නායක පාර්ලිමේන්තු මන්ත්රී ගජේන්ද්රකුමාර් පොන්නම්බලම් මහතාගේ ප්රතිරූපයට හානිවන අයුරින් පොලිසිය කටයුතු කර ඇතැයි කියමින් ඔහු දැමූ පැමිණිල්ලකට අනුව ජුනි 07 සහ 09 දිනයන්හි මරදන්කේනි පොලිස් නිලධෘරීන් කිහිප දෙනකුට යාපනය මානව හිමිකම් කාර්යාලයේ පෙනීසිටින ලෙස දැනුම් දී තිබේ. (Sri Lanka Latest News)
මේ අනුව 07 වැනිදා මරදන්කේනි පොලිසියේ නිලධාරීන් දෙදෙනකු යාපනයේ පිහිටි ශ්රී ලංකා මානව හිමිකම් කාර්යාලයට පැමිණ පසුගිය 02 වැනිදා වඩමාරච්චි නැගෙනහිර ප්රදේශයේ පිහිටි විභාග ශාලාවක් ආසන්නයේ ඇතිවූ ආරවුල සම්බන්ධයෙන් කරුණු දැක්වීම සදහා පැමිණියා.
එහිදී ගජේන්ද්රකුමාර් පොන්නම්බලම්ගේ කටයුතුවලට බාධා කිරීම, පහරදීමට උත්සාහ දැරීම, බැණවැදීම හා තර්ජනය කිරීම ආදී කරුණු දක්වමින් මරදන්කේනි පොලිසියට එරෙහිව මානව හිමිකම් කාර්යාලයේ පැමිණිලි කොට තිබෙනවා.
කෙසේ වෙතත් පැය කිහිපයක කරුණු විමසීමෙන් පසුව මානව හිමිකම් කාර්යාලයට පැමිණි පොලිස් නිලධාරීන් දෙදෙනා ආපසු ගිය බවත් තවත් පොලිසි නිලධාරීන් දෙදෙනකු ලබන 09 වැනිදා සවස 2ට මානව හිමිකම් කාර්යාලයට පැමිණීමට නියමිත බවත් යාපනය මානව හිමිකම් කාර්යාලයේ ප්රාදේශීය සම්බන්ධීකාරක ටී. කනකරාජ් මහතා පැවැසීය.
dasathalankanews
